कोलकाता, 24 अगस्त (हि.स.)। दक्षिण कोलकाताको पंचसायर क्षेत्रमा वृद्धाको नृशंस हत्या तथा उसका पति घाइते भएको घटनालाई केन्द्र गर्दै कोलकाता पुलिसले वरिष्ठ नागरिकहरूको सुरक्षा व्यवस्थालाई सशक्त बनाउनको लागि विशेष कदम उठाएको छ। पुलिस आयुक्त मनोज वर्माले सबै थानादार तथा गुप्तचर अधिकारीहरूलाई अपराध रोकथामको निम्ति हरेक थानालाई वरिष्ठ नागरिकहरूको नयाँ सत्यापन फारम बनाउने निर्देश दिएका छन्।

यस फारमको माध्यमबाट पुलिसले यो जानकारी जुटाउनेछ, क्षेत्रमा बस्ने वरिष्ठ नागरिकहरूले घरेलु सहायिका (आया)- केन्द्रहरूबाट सेवा लिरहेका छन् कि छैनन्। यदि लिरहेका छन् भने सम्बन्धित केन्द्रहरूको पनि पुलिसद्वारा जाँच गरिनेछ। हरेक थानामा एक जना अधिकारीले वरिष्ठ नागरिकहरूको घर-घरमा पुगेर यो फारम उपलब्ध गराउने जिम्मेवारी तय गरिएको छ। साथै यो पनि बुझाइनेछ कि उनीहरूले चाहे अनलाइन पनि यो सुविधा लिन सक्नेछन्।

आयाहरूको पहिचान तथा अन्य आवश्यक विवरण थाना स्तरमा रेकर्डमा राखिनेछ। समय-समयमा नियुक्त अधिकारीहरूले यो सुनिश्चित गर्नेछन् कि बुजुर्गले कुनै समस्याको सामना गरिरहेको त छैन। लालबजारका अधिकारीहरूको मान्यता छ, वरिष्ठ नागरिकहरूको सुरक्षाको दृष्टिले यो कदम उठाउन अत्यन्त आवश्यक छ।

हिन्दुस्थान समाचार / उष्णता छेत्री शर्मा