कोलकाता, 24 अगस्त (हि. स.)। पश्चिम बंगाल र ओडिशाको सीमा संलग्न उत्तर-पश्चिम बंगोपसागरमा एक निम्न दबाव क्षेत्र बन्ने सम्भावना व्यक्त गरिएको छ। सोमवारसम्ममा यो निम्नचापमा परिवर्तन हुने सम्भावना छ। मनसुनी अक्षरेखा पहिलाबाटै बंगालको खाड़ीदेखि पश्चिम बंगालसम्म फैलिएको छ जसकारण आगामी मंगलवारसम्म राज्यमा घना वर्षा हुने अनुमान लगाइएको छ।
मौसम विभाग अनुसार दक्षिण बंगालमा भारीभन्दा भारी वर्षा हुने चेताउनी जारी गरिएको छ जसमा प्रभावित हुने जिल्लाहरूमा क्रमैले बाँकुड़ा, पुरुलिया, पूर्व एवं पश्चिम मेदिनीपुर, झाड़ग्राम, बीरभूम , दक्षिण 24 परगना सामेल छन्। यस अतिरिक्त पूर्व अनि पश्चिम मुर्शिदाबाद, नदिया, उत्तर एवं दक्षिण 24 परगना पनि सामेल छन्। सोमवार कोलकाता लगायत केही जिल्लाहरूमा घना वर्षा हुने आशंका छ। मंगलवारसम्ममा कतिपय स्थानहरूमा भारी वर्षा हुने सम्भावना छ। कोलकाताको आकाश अधिकांश बादलले ढाक्नेछन्। हल्कादेखि मध्यम वर्षा तथा मेघ गर्जनसितै पानी पर्नसक्छ।
उत्तर बंगालमा जलपाईगुड़ी, अलिपुरद्वार, दार्जीलिङ एवं कालेबुङ जिल्लामा पनि घना वर्षा हुने सम्भावना छ। शुक्रवार पहाड़ी क्षेत्रमा वज्रपातसितै वर्षा अनि 30-40 किलोमीटर प्रतिघण्टाको गतिले तीव्र हावा चल्ने आशंका व्यक्त गरिँदैछ। सोमवारसम्ममा भिन्न-भिन्न बागहरूमा वर्षा हुनसक्छ।
निम्न दबावको प्रभावबाट समुद्रमा उथुल-पुथुल हुनेछ। हावाको गति 55 किलोमीटर प्रतिघण्टासम्म हुनसक्छ। बंगालको खाड़ीको उत्तरी तटीय क्षेत्रमा समुद्र अत्यधिक अशान्त रहने पूर्वानुमान लगाइएको छ, त्यसैले मछुआराहरूलाई समुद्रमा नजाने सल्लाह दिइएको छ।
हिन्दुस्थान समाचार / उष्णता छेत्री शर्मा