धुबड़ी (असम), 24 अगस्त (हि.स.)। असमका जल संसाधन मन्त्री पीयूष हजारिकाले आज दक्षिण सालमारा–मानकाचर जिल्लाको कोकराडंगा क्षेत्रको दौड़ाह गरे जहाँ ब्रह्मपुत्र नदीको तीव्र कटाउले व्यापक क्षति पुऱ्याएको छ। क्षेत्रको लगभग 4 सय मीटर भाग नदीले काटिसकेको छ जसले गर्दा वरपरका क्षेत्रहरूमाथि संकट मड़ारिरहेको थियो।
मन्त्री हज़ारिका धुबड़ीदेखि स्पीडबोटमा सवार भएर यहाँ आइपुगे अनि क्षेत्रको निरीक्षण गरी स्थानीय मानिसहरूसित बातचित गरे। विभागीय अभियन्ता तथा ग्रामीणहरूको मागमा उनले आश्वासन दिए, लगभग 5 स मीटर क्षेत्रमा बलियो स्थायी सुरक्षा कार्य तत्काल शुरू गरिनेछ।
पत्रकारहरूसित बातचित गर्दै मन्त्रीले बताए, कोकराडंगामा कटाउदेखि बचाउको लागि 50 जिओ मेगा ट्यूबलाई ल्याइसकिएको छ र भोलिदेखि कार्य आरम्भ हुनेछ। उनले बताए, असममा अब नयाँ बाँधको निर्माणमा जिओ मेगा ट्यूबको प्रयोगलाई अनिवार्य गरिएको छ ताकि तटबन्ध अधिक मजबुत बन्न सकोस्।
आगामी योजना बारे अवगत गराउँदै हजारिकाले भने, राज्यमा लगभग 4 हजार किलोमीटर पुरानो बाँधलाई पनि पुनः जिओ ट्यूब तकनिकबाट मजबुत बनाउने तयारी भइरहेको छ। उनले यो पनि भने, मुख्यमन्त्री डा. हिमन्त बिस्व सरमाको नेतृत्वमा सरकारले बाढ़ी तथा कटाउ नियन्त्रणको क्षेत्रमा गम्भीर रूपमा कार्य गरेको छ र उल्लेखनीय सफलता पनि प्राप्त भएको छ।
हिन्दुस्थान समाचार / उष्णता छेत्री शर्मा