हुगली, 24 अगस्त (हि.स.)। हुगली जिल्लाको उत्तरपाड़ास्थित एक मिठाई पसलमा एकजना व्यक्तिले एकजना छात्रासित अश्लील व्यवहार गरेको भीडियो आइतवार सोशल मीडियामा भाइरल भेपछि क्षेत्रका मानिसहरूको चिन्ता बढ़ेको छ। भाइरल भीडियोमा पसलभित्र मिठाई किनबेच गरिरहेको समय एकजना मानिसले छात्रासित अश्लील कृत्य गरिरहेको देख्न सकिन्छ। पुलिसले बतायो, आरोपीलाई चिन्हित गर्ने प्रयास जारी छ।

उक्त मिठाईको पसल उत्तरपाड़ा गभर्नमेन्ट बोइज स्कूलको नजिकै अवस्थित छ। सीसीटीभी फुटेजमा स्पष्ट देख्न सकिन्छ, छात्रा एकजना बुजुर्ग महिलासित पसलभित्र प्रवेश गरेकी थिई। अज्ञात व्यक्तिले लगभग उसलाई पछ्याउँदै पसलभित्र प्रवेश गर्छ। पहिला उसले कुरा गर्छ। त्यसपछि पसलको चारैतिर गएर छात्रासित अश्लील कृत्य गर्छ।

मिठाई पसलको सीसीटीभी फुटेज सोशल मीडियामा भाइरल भएको छ। मानिसहरूले आरोपीलाई पक्राउ गर्ने माग गरिरहेका छन्। यहाँ के प्रश्न उठिरहेको छ भने, छात्राको छेवैमा बसेकी बुजुर्ग महिलाले घटनाको विरोध किन गरिन। केही मानिसहरूले यसो पनि भनिरहेका छन्, मिठाई पसलका कर्मचारीहरूले ती अज्ञात व्यक्तिलाई रोक्ने प्रयास किन गरेनन्। यो मामिला उत्तरपाड़ा पुलिसको नजरदेखि पनि बच्न सकेको छैन। पुलिस सूत्र अनुसार आरोपीलाई चिन्हित गरेर उसलाई पक्राउ गर्ने प्रयास गरिँदैछ।

हिन्दुस्थान समाचार / उष्णता छेत्री शर्मा