नयाँ दिल्ली, 24 अगस्त (हि.स.)। दिल्लीमा बाहिरी-उत्तरी जिल्लाको नरेला इण्डस्ट्रियल एरियामा गए शनिवार अबेर साँझ दुई गुटमाझ भएको चक्कुबाजीको घटनामा एक जना युवकको मृत्यु भयो भने दुई जना गम्भीर रूपमा घाइते भए। पुलिसले उक्त मामिलामा दुई जना आरोपीहरूलाई पक्राउ गरेको छ भने तेस्रो आरोपी भागेको छ जसलाई पुलिसले खोजिरहेको छ।

बाहिरी-उत्तरी जिल्ला पुलिस अनुसार गए 23 अगस्तको साँझ सहायक उपनिरीक्षक (एएसआई) शंकर गस्तीमा थिए। यस अवधि उनालाई ए ब्लक, जे.जे. कलोनी बवानामा झगड़ा तथा चक्कुबाजी भएको सूचना प्राप्त भयो। स्थानीय पुलिस तुरून्त घटनास्थलमा पुग्यो जहाँ पुग्दा थाहा लाग्यो, तीनजना मानिसहरू गम्भीर रूपमा घाइते भएका छन् जसलाई तत्काल अस्पतालमा लगियो। अस्पतालमा डाक्टरहरूले तीनमध्ये एक जना 29 वर्षीय नियाजलाई मृत घोषित गरिदिए। 20 वर्षीय तोसिन र 34 वर्षीय निहालको गम्भीर अवस्थालाई ध्यानमा राखेर उनीहरूलाई लोकनायक जयप्रकाश नारायाण अस्पताल (एलएनजेपी) रेफर गरियो।

घटनापछि नरेला इण्डस्ट्रियल एरिया थाना पुलिसले हत्या तथा हत्याको प्रयास सहित अन्य धाराहरूमा मद्दा दर्ता गरेको छ। पुलिसले यस मामिलामा दुई आरोपीहरूलाई पक्राउ गरेको छ जसको पहिचान तोशिफ र अर्रूको रूपमा भएको छ।

पुलिसको शुरुआती जाँचबुझमा यो खुलासा भएको छ, घटना आपस्तको शत्रुताको कारण भएको हो। मृतक र आरोपीहरूबीच विवाद भइरहेको थियो। हाल तेस्रो आरोपीको खोजीमा पुलिसले छापामारी गरिरहेको छ।

हिन्दुस्थान समाचार / उष्णता छेत्री शर्मा