ग्वालियर, 24 अगस्त (हि.स.)। मध्य प्रदेशको ग्वालियर जिल्लामा पर्यावरण संरक्षणको लागि कलेक्टर रुचिका चौहानद्वारा जिल्लाका महिला स्वयं सहायता समूहहरूको माध्यमबाट माटो र गाईको गोबरद्वारा निर्मित श्रीगणेशका प्रतिमाहरूको निर्माण गरिँदैछ। जिल्लाका स्वयं सहायता समूहद्वारा तयार गरिएको गणेश प्रतिमाहरूको विक्रय एवं निर्माण गर्ने प्रक्रियाको प्रदर्शन आम मानिसहरू समक्ष गरिनेछ।

कलेक्टर रुचिका चौहानको मार्गदर्शनमा जिल्लाका स्वयं सहायता समूहहरूका महिलाहरूद्वारा माटो र गाईको गोबरबाट श्रीगणेशका प्रतिमाहरूको निर्माण गरिँदैछ। समूहका महिलाहरूद्वारा आइतवारदेखि ग्वालियरको फूलबागस्थित डीडी मलमा अपरान्ह 12 बजीदेखि प्रदर्शन एवं विक्रय शुरू गरिनेछ। डीडी मलका संचालकद्वारा स्वयं सहायता समूहहरूका महिलाहरूलाई प्रोत्साहित गर्ने उदेश्यले निःशुल्क स्टलको सुविधा पनि उपलब्ध गराइएको छ।

कलेक्टरले जिल्लाका मानिसहरूसित अपील गरेकी छन्, पर्यावरण संरक्षणको लागि गणेश उत्सवको अवसरमा माटो र गाईको गोबरबाट निर्मित गणेश प्रतिमाहरूलाई नै आफ्नो घर तथा प्रतिष्ठानहरूमा राखेर पूजा-अर्चना गर्नुहोस्।

हिन्दुस्थान समाचार / उष्णता छेत्री शर्मा