नयाँ दिल्ली, 24 अगस्त (हि.स.)। केन्द्रिय वित्तमन्त्री निर्मला सीतारमण, शिक्षामन्त्री धर्मेन्द्र प्रधान औ दिल्लीकी मुख्यमन्त्री रेखा गुप्ता समेत अन्य नेताहरूले आइतवार 'अरुण जेटली पार्क’- मा भारतीय जनता पार्टी (भाजपा)- का वरिष्ठ नेता एवं पूर्व केन्द्रिय वित्तमन्त्री अरुण जेटलीको पुण्यतिथिमा उनको प्रतिमामा पुष्पाञ्जली अर्पण गरी भावपूर्ण श्रद्धाञ्जली दिए।
यस अवसरमा भाजपा सांसद रामवीर सिंह विधुड़ी, बाँसुरी स्वराज तथा दिल्ली एवं जिला क्रिकेट संघ (डीडीसीए) अध्यक्ष रोहन जेटली सपरिवार उपस्थित थिए।
दिल्लीकी मुख्यमन्त्री रेखा गुप्ताले यस अवसरमा भनिन्, विधिको क्षेत्रदेखि लिएर संसदको सर्वोच्च मञ्चसम्म अरूण जेटलीको अद्वितीय प्रतिभा, गहन विचारशीलता औ जनसेवाप्रति उनको समर्पण सदैव अनुकरणीय रहनेछ। उनको प्रखर वाणी, स्पष्ट दृष्टिकोण एवं राष्ट्रप्रति अटुट निष्ठा आज पनि हामी सबैको लागि प्रेरणाको श्रोत हो। उनको दूरदर्शिता, सिद्धान्त र विचारधाराले सदैव हामीलाई जनसेवा र राष्ट्र निर्माणको पथमा मार्गदर्शन गरिरहनेछ।
मुख्यमन्त्रीले भनिन्, छात्र जीवनमा अखिल भारतीय विद्यार्थी परिषददेखि सार्वजनिक जीवनको शुरूआत गर्ने अरूण जेटलीले आपतकालमा लोकतन्त्रको रक्षाको लागि संघर्ष गरे। उनले संगठनदेखि लिएर संसदसम्म आफ्नो असाधारण नेतृत्व क्षेत्रको परिचय दिए। वित्तमन्त्रीको रूपमा उनले भारतको अर्थव्यवस्थालाई नयाँ दिशा दिनको लागि वस्तु एवं सेवा कर (जीएसटी) जस्तो ऐतिहासिक सुधारलाई लागू गर्नमा महत्वपूर्ण भूमिका निर्वाह गरे। अरूण जेलटीको सरल व्यक्तित्व, दूरदृष्टि औ राष्ट्रहितप्रति समर्पित हामी सबैलाई सदैव प्रेरणा दिरहनेछ।
हिन्दुस्थान समाचार / उष्णता छेत्री शर्मा