पटना, 24 अगस्त (हि.स.)। बिहारमा नालन्दा जिल्लाको रहुई थाना अन्तर्गत भेण्डा गाउँ नजिक गए शनिवार राति क्रेटा कार अनियन्त्रित भएर 20 फुट मुनि पानीले भरिएको खाल्डोमा झऱ्यो जसले गर्दा कारमा सवार तीन जना मानिसहरूको पानीभित्र निसास्सिएर मृत्यु भयो।

पुलिसले बताए मुताविक जिल्लाको रहुई थाना अन्तर्गत भेण्डा गाउँ नजिक बिहटा-सरमेरा मुख्य मार्ग एसएच-7 मा गए शनिवार अबेर राति तीव्र गतिमा गुड़िरहेको क्रेटा कार अनियन्त्रित भएर सड़क किनारमा अवस्थित 20 फुट गहिरो खाल्डोमा झऱ्यो। खाल्डोमा झरेपछि कारमा सवार चारमध्ये तीन जना युवकहरूको घटनास्थलमै निसास्सिएर मृत्यु भयो। एक जनालाई गम्भीर अवस्थामा बिहार शरिफको मोडल अस्पतालमा भर्ती गरिएको छ।

स्थानीय मानिसहरूले दुर्घटना भएको सूचना पुलिसलाई दिए, त्यसपछि बचाउ कार्य शुरू गरियो। पुलिस र स्थानीय मानिसहरूलाई रातिको अँध्यारो तथा पानीले भरिएको खाल्डो भएको कारण बचाउ कार्यमा धेरै समस्या भयो। आइतवार बिहान क्रेनको सहयोगले कारलाई बाहिर निकालियो, तब मात्र तीन जना मानिसहरूको शव भेटाइयो। तीव्र गति तथा चालकले नियन्त्रण गुमाउनु यस दुर्घटनाको मुख्य कारण हुनसक्ने पुलिसले अनुमान लगाएको छ।

हिन्दुस्थान समाचार / उष्णता छेत्री शर्मा