नयाँ दिल्ली, 24 अगस्त (हि.स.)। दिल्ली पुलिसको क्राइम ब्राञ्चले 'नशा मुक्त भारत अभियान' अन्तर्गत नशालु पदार्थको तस्करी गर्ने गिरोहको भण्डाफोर गरेको छ। पुलिसले 5 करोड़ रुपियाँको हेरोइन सहित नशाको व्यापारमा लिप्त दुई जना महिलाहरूलाई पक्राउ पनि गरेको छ।
दिल्ली पुलिसले सप्लाई चेनको खुलासा गर्दै नन्द नगरीबाट महिला तस्कर सीमा अनि उसकी आफन्त/सहयोगी समितालाई पक्राउ गरेको छ। दुवैको कब्जाबाट 1,049 ग्राम हेरोइन, एउटा स्कुटी, 22,900 रुपियाँ नकद र दुईवटा मोबाइल फोन जफत गरिएको छ।
पुलिस प्रवक्ताले आइतवार बतायो, क्राइम ब्राञ्चको एन्टी नारकोटिक्स टास्क फोर्स (एएनटीएफ) यूनिटको टीमलाई सूचना प्राप्त भएको थियो कि उत्तर-पूर्वी जिल्लाका क्षेत्रहरूमा मादक पदार्थको ठूलो खेप सप्लाई गरिरहेको छ। त्यसपछि पुलिसको टीमले गत 22 अगस्तको दिन जीटीबी अस्पताल नजिक धराप थाप्यो अनि डी ब्लक, झुग्गी नन्द नगरी क्षेत्रमा बातचित गर्न आएका सीमा र समितालाई पक्राउ गऱ्यो। यिनीहरू नीलो रंगको एक्टिभामा सवार थिए जसलाई पुलिसले कब्जामा लियो।
पुलिस जाँच अनुसार 54 वर्षीय सीमा पछिल्लो 25 वर्षदेखिकै नशाको व्यापारमा सक्रिय रहँदै आएकी छे जसमाथि 10 वटा मादक पदार्थ अनि 30 वटा आबकारी एक्ट अन्तर्गत मामिला दर्ता छ। त्यसरी नै सीमाकी बुहारी 43 वर्षीय समितामाथि 3 वटा आबकारी अधिनियम (एक्ट) तथा एउटा मादक पदार्थ एक्ट अन्तर्गत मामिला दर्ता छ। पुलिस अधिकारी अनुसार यस गिरोहले दिल्ली-एनसीआरबाट हेरोइन मगाएर उत्तर-पूर्वी दिल्ली विशेष गरी नन्द नगरी क्षेत्रमा सप्लाई गर्दै आएको थियो।
हिन्दुस्थान समाचार / उष्णता छेत्री शर्मा