कोकराझाड़ (असम), 24 अगस्त (हि.स.)। केन्द्रिय वस्त्र एवं विदेश मन्त्रालयका राज्य मन्त्री पवित्र मार्घेरिटाले आइतवार कोकराझाड़मा 13 करोड़ रुपियाँको लागतमा निर्मित एरी-सोन सिल्क मिलको शुभारम्भ गरे। यस अवसरमा बीटीआर प्रमुख प्रमोद बोड़ो, बीटीआर ईएम दाओबेसा बोडो सहित वस्त्र उद्योगसित जोड़िएका केही गणमान्य व्यक्तिहरू उपस्थित थिए।

कार्यक्रममा मन्त्रीले स्थानीय बुनकरहरूलाई प्रोत्साहित गर्न तथा उनीहरूको उत्पादलाई व्यापक बजारसम्म पुऱ्याउने उदेश्यले एक विशेष अनलाइन शपिंग पोर्टल र मोबाइल एप पनि लञ्च गरे।

यस पहललाई स्वागत गर्दै ठूलो संख्यामा उपस्थित स्थानीय बुनकरहरूले आशा व्यक्त गरे, यसबाट बोड़ोल्याण्ड क्षेत्रका हतकर्घा तथा रेशम उद्योगले नयाँ गति पाउनेछ।

समारोहलाई सम्बोधन गर्दै मन्त्री मार्घेरिटाले परम्परागत हस्तनिर्मित उत्पादहरूको सांस्कृतिक महत्वमाथि बल दिए। उनले विशेष रूपमा अरोनाईको उल्लेख गर्दै भने, उनले यसलाई विदेशी गणमान्य व्यक्तिहरूलाई उपहारस्वरूप भेट गर्ने गर्दछन् जसबाट भारतको समृद्ध हतकर्घा धरोहरको सम्मान झल्किन्छ।

उनले यो पनि आश्वासन दिए, पूर्वोत्तरका स्वदेशी उत्पादहरूलाई वैश्विक मञ्चमा प्रोत्साहित गर्ने उनको प्रतिबद्धता जारी रहनेछ।

हिन्दुस्थान समाचार / उष्णता छेत्री शर्मा