गुवाहाटी, 24 अगस्त (हि.स.)। असमको राजधानी गुवाहाटीको बशिष्ठ थाना क्षेत्रमा हत्याको मामिला उजागर भएको छ। गए शनिवार अबेर राती युवकको कुटेरै हत्या गरियो। रगतपच्छे अवस्थामा रहेको उक्त शवलाई आइतवार कोइला डिपो मालिकको परिसरबाट उद्धार गरियो। हाल मृतकको पहिचान हुन सकेको छैन।

पुलिस अनुसार आइतवार एकजना व्यक्तिको शव रगताम्मे अवस्थामा भेटिएको छ। आशंका व्यक्त गरिँदैछ, गए राती उपद्रवीहरूले उक्त युवकको कुटेर हत्या गरिदिएका छन्। घटना कोइला गल्ली नम्बर-7को कोइला डिपो मालिक महेन्द्र शर्माको परिसरमा भएको हो।

स्थानीय हसना बीबी मार्फत सूचना पाउनसाथ बशिष्ठ पुलिसले घटनास्थलमा पुगेर जाँच शुरू गरेको छ। पुलिस टीम सीसीटीभी फुटेजको माध्यमबाट घटनाको निगरानी गर्नमा पनि जुटेको छ। बितेको राती सम्भवतः झगड़ा भयो होला। त्यसपछि हत्याराहरूले घटनालाई परिणाम दिएको हुनसक्छ। मृतकको पहिचान अन्तिम सूचनासम्म पनि हुन सकेको थिएन। यस घटनाको कारणले क्षेत्रमा सन्त्राष व्याप्त भएको छ।

हिन्दुस्थान समाचार / उष्णता छेत्री शर्मा