पूर्वी चम्पारण, 24 अगस्त (हि.स.)। जिल्लाको एक थोक स्वर्ण व्यवसायीबाट अपराधीहरूले 27 लाख रूपियाँ असूलीको रूपमा मागेका छन्। यो पैसा नदिए परिणाम भोग्नुपूर्ने धम्की पनि दिएका छन्। मामिला अघि आएपछि पुलिसको तकनीकी टीम जाँचमा जुटेको छ। एसपी स्वर्ण प्रभातको निर्देशमा व्यवसायीको सुरक्षाको निम्ति गार्ड उपलब्ध गराइएको छ।

मामिला घोड़ासहन थाना क्षेत्रको हो, जहाँको थोक स्वर्ण व्यवसायी महालक्ष्मी ज्वेलर्सको मालिकबाट अपराधीहरूले व्हाट्सएपमा मेसेज पठाएर 27 लाखको असूलीको माग गरेका छन् र असूली नदिए परिणाम भोग्नुपर्ने धम्की पनि दिएका छन्, जसपछि व्यवसायीका परिजन भयभित छन्। मामिलामा स्वर्ण व्यवसायीद्वारा घोड़ासहन थानामा आवेदन दिएर सुरक्षाको गुहार लगाइएपछि एसपी स्वर्ण प्रभातले व्यवसायीको सुरक्षामा गार्ड उपलब्ध गराउँदै सिकरहना डीएसपीको नेतृत्वमा अपराधीहरूको गिरफ्तारीको निम्ति विशेष टीमको गठन गरेका छन्।

पीड़ित व्यवसायी अनुसार, अपराधीहरूले असूलीको मेसेजपछि पेस्तोलको फोटो पनि व्हाट्सएप गरेका छन्। साथै गत केही दिन अगाड़ी पशुपति हार्डवेयरको मालिकको मृत्युबाट शिक्षा लिने धम्की पनि दिएका छन्। अहिले पुलिस यस मामिलाको जाँचमा जुटेको छ।

हिन्दुस्थान समाचार / भवानी थामी