गान्तोक, 24 अगस्त (हि.स.)। सिक्किम सरकारको शिक्षा विभागलाई प्रतिष्ठित सार्वजनिक प्रणालीमा नवाचार केन्द्र पुरस्कार 2024 प्राप्त भएको छ। उक्त पुरस्कार शिक्षा विभागको ध्वजवाहक डिजिटल पहल शिक्षा अनुगमन र व्यवस्थापन सूचना प्रणालीको लागि प्रदान गरिएको हो।

राज्य शिक्षा विभागका सचिव, स्कूल शिक्षा टाशी छोपेल लेप्चाले पुरस्कार ग्रहण गरे। उक्त पुरस्कार जम्मू कश्मीरका उपराज्यपाल मनोज सिन्हाले प्रदान गरेका थिए। सचिव लेप्चाको साथमा कार्यक्रम अधिकारी, समग्र शिक्षा डिगविजय बस्नेत पनि सामेल थिए। उक्त पुरस्कार समारोह जम्मू कश्मीरको श्रीनगरस्थित सूचना निदेशालयको पण्डित भजन सोपोरी प्रेक्षागृहमा शुक्रवार आयोजन भएको थियो।

हैदराबादको एडमिनिस्ट्रेटिव स्टाफ कलेज अफ् इण्डिया अन्तर्गत स्थापित सार्वजनिक प्रणालीमा नवाचार केन्द्रले भारतभरि शासनमा नवीन अभ्यासहरूलाई प्रवर्द्धन र मान्यता दिन्छ। यस अवार्डले सार्वजनिक सेवा प्रवाहमा दक्षता, पारदर्शिता, जवाफदेहिता र नवीनता प्रदर्शन गर्ने पहलहरूलाई सम्मान गर्दछ र अन्य राज्यहरूमा प्रतिकृतिको लागि उत्कृष्ट अभ्यासहरू प्रदर्शन गर्ने मञ्चको रूपमा काम गर्दछ।

सार्वजनिक प्रणालीमा नवाचार केन्द्र पुरस्कार पुरस्कार 2024 प्रविधि मार्फत शिक्षा प्रशासनलाई रूपान्तरण गर्ने प्रयासको राष्ट्रिय मान्यता रहेको शिक्षा विभागले बताएको छ। शिक्षा अनुगमन र व्यवस्थापन सूचना प्रणालीको उपयोग गरेर शिक्षा विभागले पारदर्शिता र जवाफदेहिताको मोडेल सिर्जना गरेको बताएको छ, जसले विद्यालयहरूको दैनिक कार्यप्रणालीमा सुधार मात्र गर्दैन तर राज्यमा शिक्षाको समग्र वितरणलाई पनि बलियो बनाउँछ।

हिन्दुस्थान समाचार / बिशाल