गान्तोक, 24 अगस्त (हि.स.)। गिरीश एण्ड द क्रोनिकल्स (जीएटीसी) अमेरिकाज गट् ट्यालेन्टमा फर्किएको छ। विश्वको सबैभन्दा ठूलो प्रतिभा मञ्चको लागि अडिसन दिएका सयौं अविश्वसनीय कलाकारहरू मध्ये केवल 44 जनाले प्रत्यक्ष क्वार्टरफाइनलमा स्थान बनाएका छन्, जसमा जीएटीसी पनि एक हो।

यो अर्को चरण प्रत्यक्ष मतदान राउन्डको सुरुवातको प्रतीक पनि हो, जहाँ दर्शकहरूले को रहन्छ र को जान्छ भनेर निर्णय गर्न गर्नेछन्। जीएटीसीलाई तेस्रो हप्तामा प्रदर्शन गर्न राखिएको छ र 2 सेप्टेम्बर उनीहरूको प्रदर्शनको मिति तय गरिएको छ। यस राउन्डको पहिलो हप्ता गत मंगलवार प्रसारण गरिएको थियो।

अमेरिकाज गट् ट्यालेन्टको यो सिजन विविधताले भरिएको छ, जसमा ब्यान्डहरू, एकल गायकहरू, नर्तकहरू, एक्रोब्याटहरू, जादुगरहरू आदि छन्, तर जीएटीसीले सिक्किमको पहिलो रक/मेटल ब्यान्डको रूपमा ऐतिहासिक स्थान ओगटेको छ भने यसमा प्रतिस्पर्धा गर्ने भारतबाट पहिलो ब्यान्ड रहेको छ।

जीएटीसीको पहिलो प्रदर्शन एडेलको 'सेट फायर टु द रेन' को ज्वलन्त रक/मेटल प्रस्तुतिले संसारलाई हल्लाएको थियो। निर्णायकहरूले उनीहरूको अभिनयको अत्यधिक प्रशंसा गरे र उभिएर ताली बजाए, जबकि दर्शकहरूले थप्पडी बजाएर उनीहरूको सराहना गरे। जीएटीसीको उक्त भिडियो युट्युब र अन्य प्लेटफर्महरूमा उपलब्ध छन्। भिडियो भाइरल भयो र सामाजिक सञ्जालमा डढेलो जस्तै फैलियो, जसले हजारौं नयाँ प्रशंसकहरूलाई जीएटीसी परिवारमा ल्यायो।

अब क्वार्टरफाइनलमा जीएटीसी अर्को शक्तिशाली प्रदर्शन गर्न तयार छ। संयुक्त राज्य अमेरिका र प्यूर्टो रिकोका बासिन्दाहरूका लागि मात्र मतदान खुला रहेको छ भने जीएटीसीले सबै प्रशंसकहरूलाई आफ्नो माया र समर्थनको लागि आह्वान गरिरहेको छ।

हिन्दुस्थान समाचार / बिशाल