जयपुर, 24 अगस्त (हि.स.)। भाद्रपद शुक्ल चतुर्थी अर्थात आगामी 27 अगस्त (बुधवार)-को दिन गणेश चतुर्थी महोत्सव मनाइनेछ। यस दिन अनेकौं शुभ योग बनिएकोले गणेश महोत्सवको महत्व झन् बढ़ेर गएको छ। ज्योतिषाचार्यहरू अनुसार रवि योग, सर्वार्थ सिद्धि योग औ लक्ष्मी नारायण योगले यस तिथिलाई विशेष रूपमा पलदायी बनाएको छ। बुधवार गणेश पूजन गर्नाले व्यापार, नोकरी, शिक्षा एवं नयाँ कार्यहरूमा सफलता हासिल हुनेछ।

पण्डित श्रीकृष्ण चन्द्र शर्माले बताए, बुध ग्रह बुद्धि, वाणी, गणित, व्यापार औ तर्कशक्तिको कारक हो। चतुर्थी बुधवार पऱ्यो भने विशेष फलकारी हुन्छ।यस दिन पूजा गर्नाले बुद्ध दोष र वाणी दोष शान्त हुन्छ तथा विवेक, निर्णय क्षमता र व्यवसायमा स्थिरता आउँछ। विद्यार्थीहरूलाई शिक्षामा प्रगति अनि परिवारलाई सुख-शान्ति प्राप्ति हुन्छ। गणेशोत्सव अवधि यसपालि सूर्य र केतुको युति रहनेछ जुन तुला अनि कुम्भ राशिको लागि लाभकारी सिद्ध हुन्छ। साथै चन्द्रमा र मंगलको युतीबाट लक्ष्मी योग पनि बन्नेछ जसबाट आय र समृद्धिको अवसर मिल्नेछ।

गणेश स्थापनाको शुभ मुहूर्त-

भाद्रपद शुक्ल चतुर्थीको तिथि आगामी 26 अगस्तको अपरान्ह 1:54 बजेदेखि आरम्भ भएर 27 अगस्तको अपरान्ह 3:44 बजे समाप्त हुनेछ। गणेश चतुर्थी पर्व 27 अगस्तमा मनाइनेछ। परम्परा अनुसार भगवान गणेशको जन्म अपरान्हमा भएको थियो। त्यसैले गणेश स्थापनाको सर्वश्रेष्ठ समय आगामी 27 अगस्तको बिहान 11:10 देखि अपरान्ह 1:45 बजेसम्म रहनेछ।

हिन्दुस्थान समाचार / उष्णता छेत्री शर्मा