कोलकाता, 24 अगस्त (हि. स.)। पश्चिम बंगाल भाजपाका वरिष्ठ नेता औ पूर्व प्रदेश अध्यक्ष दिलीप घोष अहिलेघरि पार्टीमा उनको भूमिकालाई लिएर चर्चामा छन्। प्रधानमन्त्री नरेन्द्र मोदीको भर्खरैको कोलकाता यात्रा अवधि उनलाई प्रमुख कार्यक्रमहरूदेखि टाड़ा राखिएको थियो जसबाट उनको राजनीतिक स्थितिमाथि प्रश्न उठ्न थालेको छ। तथापि घोषले भाजपाको पक्षमा मात्र नभएर राज्य सरकारको विरोधमा पनि लगातार आक्रमकता देखाइरहेका छन्।

आइतवार बिहान न्यूटाउन ईको पार्कमा प्रातःभ्रमण अवधि दिलीप घोषले तृणमूल कंग्रेसमाथि लक्षित गरे। तृणमूलको स्थापना दिवसमा परीक्षा रद्द गर्ने निर्णयमा पनि उनले राज्य सरकारको आलोचना गरे अनि शिक्षा व्यवस्थामा व्याप्त कमी-कमजोरीहरूलाई उजागार गर्दै कटोवाको मन्तेश्वरमा भएको घटनालाई आधारको रूपमा पेश गरेका छन्।

यस अतिरिक्त घोषले बंगालमा एसआईआरलाई समर्थन गर्दै बिहारको उदाहरण दिँदै भने, बिहारमा एसआईआरको प्रक्रिया लगभग पूरा भइसकेको छ। अब मात्र नौ दिन बचेको छ। अहिलेसम्ममा माकपाको पक्षबाट मात्र नौ वटा आपत्ती दर्ता गरिएको छ। चाँड़ै नै बंगालमा पनि यसको शुरूआत हुनेछ।

तथापि उनका बयानहरूबीच भाजपामा उनको स्थितिलाई लिएर अड़कल अझ तीव्र भएको छ। लामो समयदेखिकै उनलाई ठूल्ठूला मञ्चहरूदेखि टाड़ा राखिँदै आएको छ। यसमाथि प्रतिक्रिया दिँदै घोषले भने, दिलीप घोषले कहिल्यै अभियान गरेन। बाल्यकालदेखि आजसम्म काम मात्र गरेको छ र आगामी दिनमा पनि जनको लागि काम गरिरहनेछु।

दिलीप घोषले पार्टीमा आफ्नो सक्रियतालाई कायम राख्नको लागि पूर्ण प्रयास गरिरहेका छन् भने अर्कोतिर उनको उपेक्षालाई लिएर भाजपाभित्र तानातान र असन्तोषका चर्चाहरू तीव्र हुँदै गइरहेका छन्।

हिन्दुस्थान समाचार / उष्णता छेत्री शर्मा