खरसाङ, 24 अगस्त (हि.स.)। खरसाङको नयाँ बजारस्थित टाउन हलमा आज दुईवटा स्वास्थ्य शिविर सञ्चालन भयो। पहिलो ब्रह्मकुमारी खरसाङ अनि लायन्स क्लबको सँयुक्त तत्वावधानमा आयोजित रक्तदान शिविर अनि दोस्रो योग रवि, चेन्नई द्वारा सञ्चालित निःशुल्क रुद्राक्ष अकुप्रेसर शिविर सामेल छन्।
खरसाङ ब्रम्हकुमारी ईश्वरीय विश्व विद्यालयको तत्वावधानमा रक्तदान शिविरको आयोजन खरसाड नयाँ बजारमा अवस्थित सार्वजनिक भवनमा सम्पन्न गरियो भने खरसाङ लायन्स क्लब एवं रेड क्रस सोसाइटीद्वारा रक्तदान संकलन गरिएको थियो।
अर्कातिर, टाउन हलको भुइँ हलमा गत 22 तारिकदेखि निःशुल्क रुद्राक्ष अकुप्रेसर शिविर चलिरहेको छ। शिविरका संयोजक दीपभाई अनुसार, तीन दिनमा 400 भन्दा बढी मानिसहरूले शिविरमा भाग लिइसकेका छन्। नाडि परीक्षा र रुद्राक्ष उपचार मार्फत योग रवि अनुसार 95% बिमारी निको भएको र रोगीको बिमारीमा सुधार आएको दाबी गरिएको छ।
यस उपचारको निम्ति रोगीले 2 सेसनमा भाग लिनु पर्ने बताइएको छ। शिविर समय बिहान: १०:०० बजीदेखि १२:०० बजेसम्म अनि साँझ: ३:०० बजीदेखि ५:०० बजी सम्म चलीरहेको छ। शिविर ३० अगस्तको दिन समापन हुनेछ।
हिन्दुस्थान समाचार / हनोक
