गान्तोक, 24 अगस्त (हि.स.)। मुख्यमन्त्री प्रेमसिंह तामाङकी सुपुत्री प्रक्रिया तामाङ गोले (बेल्ट रेड वान) ले अस्मिता खेलो इण्डिया वुमन्स लिग अन्तर्गत पूम्से प्रतियोगितामा भाग लिइरहेकी छन्। उक्त प्रतियोगिता राजधानीको पाल्जोर स्टेडियममा साटाले इण्डिया ताइक्वाण्डो र खेलो इण्डियाले संयुक्त रूपमा आयोजना गरिरहेको छ।

उक्त जानकारी मुख्यमन्त्री तामाङले आज सामाजिक सञ्जाल फेसबुक पोस्टमा दिएका छन्। छोरी प्रक्रियाले पूम्से प्रतियोगितामा भाग लिइरहेको जानकारी गराउॅंदै उनले गर्व व्यक्त गरेका छन्। मुख्यमन्त्रीले आफ्नी छोरीलगायत सबै प्रतिस्पर्धीहरूलाई सफलताको कामना गर्दै उनीहरूले बहुमूल्य अनुभवहरू प्राप्त गर्नेछन् जसले खेलकुदमा उनीहरूको यात्रालाई बलियो बनाउनेछ भनी आशा व्यक्त गरेका छन्।

हिन्दुस्थान समाचार / बिशाल