खरसाङ, 24 अगस्त (हि.स.)। याक्थुङ लिम्बू सुब्बा तीनधारे शाखाको वार्षिक साधारण सभा आज तीनधारेको गोलाई पाखास्थित मित्रमा सम्पन्न भयो। सभा सुहाङ सुब्बाको सभाध्यक्षमा सम्पन्न भयो।
सभामा समितिका दिवंगत सदस्य सदस्याहरूको स्मरण गर्दै 1 मिनटको मौन धारण गरियो। समितिका दिवंगत सदस्य सदस्याहरू क्रमैले स्व मनि कुमार सुब्बा तीनधारे, स्व किशन लिम्बू तीनधारे अनि नानी स्व ग्रीशा लिम्बू 2 नम्बर बस्तीको परिवारलाई शोक समवेदना पत्र प्रदान गरियो।
सभामा समितिका मूल सचिव रबी सुब्बाले समितिको प्रतिवेदन तथा समितिका कोषाध्यक्ष रोशन लिम्बूले समितिको वार्षिक आय व्यायको विवरण प्रस्तुत गरेका थिए। मूल संरक्षक शरण सुब्बाले आफ्नो सम्बोधनमा लिम्बू सुब्बा आफ्ना भाषा, संस्कृति र रहन सहन आदिमा लागि पर्नुपर्छ भन्दै सम्पूर्ण लिम्बू जाति एक सूत्रमा बाँधिनु पर्ने कुरामा जोड दिए।
सभामा समिति सञ्चालनको निम्ति पुनः यसै समितिलाई यथावत राख्ने निर्णय गरियो। सभालाई सभाध्यक्षको सम्बोधनपछि बर्खास्त गरिएको समितिका प्रचार प्रसार सचिव हेम सुब्बाले जानकारी गराएका छन्।
हिन्दुस्थान समाचार / हनोक
