नदिया, 25 अगस्त (हि.स.)। जिल्लाको शान्तिपुर बाईपास क्षेत्रस्थित राष्ट्रिय राजमार्ग-12 मा सोमवार बिहान एक यात्री बस सड़क किनारमा रहेको लरीको पछिल्लो भागसित ठोक्कियो। यस ठक्करको कारणले बसको अघिल्लो भाग लगभग पूर्ण रूपले मोड़ियो। घटनामा 25 जना यात्रीहरू घाइते भए जसमध्ये लगभग 12 जनाको अवस्था गम्भीर रहेको बताइएको छ।

प्राप्त जानकारी अनुसार बस नदियाको कृष्णानगरदेखि कोलकाता गइरहेको थियो। यो दुर्घटना राष्ट्रिय राजमार्ग-12स्थित बीएड कलेज नजिक भएको हो।

सूत्र अनुसार केही यात्रीहरूलाई घाइते अवस्थामा शान्तिपुर स्टेट जेनरल अस्पतालमा भर्ती गरिएको छ भने केही यात्रीहरूलाई कृष्णानगर र रानाघाट अस्पतालमा लगिएको छ। दुर्घटना भएको खबर पाउनसाथ शान्तिपुर यातायात पुलिस तथा थाना पुलिस दुर्घटनास्थलमा पुग्यो। पुलिस अग्रिम कानूनी कारबाहीमा जुटेको छ।

हिन्दुस्थान समाचार / उष्णता छेत्री शर्मा