कोलकाता, 25 अगस्त (हि. स.)। टलीवुड अभिनेता एवं भाजपा नेता जय ब्यानर्जीको निधन सोमवार बिहान दक्षिण कोलकाताको एक निजी अस्पतालमा भयो। मृत्यु हुँदा उनको उमेर 62 वर्षको थियो।

उनको निधनमा विपक्षी नेता शुभेन्दु अधिकारी एवं पूर्व भाजपा प्रदेश अध्यक्ष सुकान्त मजुमदारले दुःख व्यक्त गरेका छन्।

प्राप्त जानकारी अनुसार उनी निमोनियाबाट पीड़ित थिए। उनलाई गत 15 अगस्तको दिन दक्षिण कोलकाताको एक निजी अस्पतालमा भर्ती गरिएको थियो जहाँ उनी गत 17 अगस्तदेखि भेन्टिलेशनमा थिए। अस्पताल सूत्र अनुसार सोमवार बिहान उनलाई हृदयाघात भयो। बिहान 11:30 बजीपछि अस्पतालमा उनको निधन भयो। उनको निधनबाट राजनीति जगतमा शोक व्याप्त भएको छ।

अभिनेता जय ब्यानर्जीको जन्म 23 मई, 1963-मा भएको थियो। जय वर्तमानमा आफ्नी दोस्रो पत्नी अंकिता र आमासित बस्दै आएका थिए। बंगला अभिनय जगतमा उनी धेरै प्रसिद्ध थिए। जय र चुमकी चौदरीको 'हीरक जयन्ती' फिल्मले दर्शकहरूको हृदय जित्यो। त्यसपछि उनले एकपछि अर्को हिट फिल्म दिए। 'मिलन तिथि', 'जीवन मोरन', 'नागमति' औ 'चोपड़' जस्ता फिल्महरूलाई दर्शकहरूले खूब प्रशंसा गरे।

हिन्दुस्थान समाचार / उष्णता छेत्री शर्मा