कोलकाता, 25 अगस्त (हि.स.)। दुर्गा पूजापूर्व पश्चिम बंगालमा भारतीय जनता पार्टी (भाजपा)-ले आफ्नो राजनीतिक सक्रियतालाई तीव्रता दिएको छ।
पार्टी सूत्र अनुसार प्रधानमन्त्री नरेन्द्र मोदी तथा केन्द्रिय गृहमन्त्री अमित शाह आगामी महिना राज्यको भ्रमणमा आउन सक्नेछन्। मोदीले एकातिर नदिया जिल्लाको रानाघाटमा एक विशाल जनसभा गर्ने भएका छन् भने अर्कोतिर शाहले कोलकाताका दुई प्रमुख दुर्गा पूजा पण्डालहरूको उद्घाटन गर्ने सम्भावना छ।
भाजपाको राज्य समितिका एकजना वरिष्ठ सदस्य अनुसार प्रधानमन्त्री मोदीले आगामी 20 सेप्टेम्बरको दिन रानाघाटमा जनसभा गर्न सक्नेछन्। यो तारिक महालयभन्दा एक दिन अगाड़िको हो जसलाई आधिकारिक रूपमा देवी पक्ष र दुर्गा पूजाको शुरूआत मानिन्छ। पार्टी नेताको भनाइ छ, यस सभाको माध्यमबाट भाजपाले बंगालका जनतासित चाढ़-पर्वको रमाइलो मौसममा सोझै जोड़िने प्रयास गर्नेछ।
यता केन्द्रिय गृहमन्त्री अमित शाहलाई कोलकाताको प्रसिद्ध सन्तोष मित्रा स्क्वायर दुर्गा पूजा औ ईस्टर्न ज़ोनल कल्चरल सेन्टर (ईजेडसीसी)- मा आयोजित दुर्गा पूजाको उद्घाटन गर्ने आमन्त्रण पठाइएको छ। सन्तोष मित्रा स्क्वायर पूजा समितिका अध्यक्ष सजल घोषले बताए, उनीहरूले औपचारिक निम्तो पठाएका छन्। यसपालि पनि शाहबाटै उद्घाटन हुने आशा छ। वर्ष 2023-मा यस पूजाको थीम अयोध्याको राम मन्दिर थियो जसको शाहले प्रशंसा गरेका थिए। यसपालि समितिले ‘अपरेशन सिन्दूर’- लाई थीमको रूपमा चुनको छ। शाह आगामी 22 सेप्टेम्बरको दिन कोलकाता आइपुग्ने सम्भावना व्यक्त गरिएको छ। अमित शाहले पछिल्लो धेरै वर्षदेखिको यस दुर्गा पूजा पण्डालको उद्घाटन गर्दै आइरहेका छन्। त्यसैले यस वर्ष पनि उनी आउने आशा सकारात्मक नै छ।
वास्तवमा आगामी वर्ष 2026- को विधानसभा चुनाउपूर्व सत्तारूढ़ पार्टी तृणमूल कंग्रेसकी मुखिया ममता ब्यनर्जीले देशभरि नै कथित रूपमा भइरहेको बंगला भाषी मानिसहरूविरूद्ध उत्पीड़नलाई मुख्य मुद्दा बनाएकी छन्। त्यसैले बंगाल भाजपाले राज्यका मानिसहरूमाझ आफ्नो सशक्त उपस्थिति दर्ता गर्नको लागि कुनै पनि प्रयासलाई बाँकी राख्न चाहँदैन।
राज्य समितिका एकजना सदस्यले भने, मुख्यमन्त्री ममता ब्यनर्जीीले एक झुटो नरेटिभ उत्पन्न गरेकी छन् जसलाई भत्काउन निश्चित रूपमा आवश्यक छ। पार्टीले यसको लागि हरेक आवश्यक कदम उठाउनेछ।
हिन्दुस्थान समाचार / उष्णता छेत्री शर्मा