गुवाहाटी, 25 अगस्त (हि.स.)। असमका मुख्यमन्त्री डा. हिमन्त बिस्व सरमाले आज महापुरुष श्रीमन्त शंकरदेवको पावन तिरोभाव तिथिमा उनलाई भावपूर्ण श्रद्धाञ्जली अर्पण गरे।

मुख्यमन्त्रीले भने, श्रीमन्त शंकरदेव असमिया समाजको आत्मा तथा प्राण प्रतिष्ठाता थिए। भक्तिको अमृत रसबाट ओतप्रोत सुरहरूको माध्यमबाट उनले समाजलाई एकताको मजबुत डोरमा बाँधे। समय परिवर्तन भइरहन्छ, पिँढ़ीहरू गुज्रिरहनेछ, तर असमिया नामको पहिचान जीवित रहुञ्जेलसम्म हरेक हृदयमा जय गुरु शंकर- को गुञ्ज गुञ्जिरहनेछ।

उनले भने, महापुरुषद्वारा हामीलाई प्रदान गरिएको स्वर्णिम विरासतको संरक्षण एवं प्रसार गर्नु हर असमवासीको कर्तव्य हो। मुख्यमन्त्रीले असमवासीहरूको सहयोगबाट यस यात्रालाई अझ व्यापक स्तरमा अगाड़ि बढ़ाउने संकल्पलाई दोहोऱ्याए।

हिन्दुस्थान समाचार / उष्णता छेत्री शर्मा