कोलकाता, 25 अगस्त (हि.स.)। पश्चिम बंगालमा लगातार निम्न दबाव बनको कारण मौसम फेरि बिग्रिने सम्भावना देखिएको छ। अगस्तको अन्तिम सप्ताहमा कोलकाता लगायत दक्षिण बंगालका विभिन्न जिल्लाहरूमा घना वर्षा हुने पूर्वानुमान लगाइएको छ।

हालमा सक्रिय निम्नचाप उत्तर-पूर्व मध्यप्रदेश औ छत्तीसगढ़ तर्फ अग्रसर भएको छ भने यसको प्रभाव पनि कमजोर भइसकेको छ। फलस्वरूप वर्षा कम भएको छ। सोमवार कोलकाता शहरमा सामान्य वर्षा हुने सम्भावना व्यक्त गरिएको छ। तर सोमवारदेखि ओडिशाको तटवर्ती बंगालको खाड़ीमा नयाँं निम्नचाप विकसित भइरहेको छ जसको प्रभाव 29 र 30 अगस्तमा दक्षिण बंगालमा देखिनेछ।

सोमवार लगभग सबै जिल्लाहरूमा सामान्यदेखि मध्यम वर्षा हुनसक्छ। दक्षिण 24 परगना, पूर्व एवं पश्चिम मेदिनीपुर, झाड़ग्राम, बाँकुड़ा र पुरुलिया जिल्लामा भाारी वर्षा सहित 30-40 किलोमीटर प्रतिघण्टाको गतिले तीव्र हावा चल्ने अनुमान छ। मंगलवार पनि दक्षिण 24 परगना तथा पूर्व मेदिनीपुरमा वर्षाको पूर्वानुमान छ। मौसम विभागले यसको लागि यल्लो अलर्ट जारी गरेको छ। यसको साथै 26-देखि आगामी 28 अगस्तसम्म समुद्रमा उथुल-पुथुल हुने चेताउनी दिइएको छ, त्यसैले मछुआराहरूलाई समुद्रमा नजाने सल्लाह दिइएको छ।

सोमवार उत्तर बंगालका अलिपुरद्वार, कुचबिहार, जलपाईगुड़ी र कालेबुङ जिल्लामा घना वर्षा हुनेछ यद्यपि बिस्तारै यसमा कमी आउनेछ। तर आगामी 29 र 30 अगस्तमा निम्न दबावको प्रभावले उत्तर बंगालका पहाड़ी जिल्लाहरूमा वर्षा बढ़्ने सम्भावना छ। कोलकातामा आकाश अधिकांश बादलले ढाकेको हुनेछ। साथै बीच-बीचमा सामान्यदेखि मध्यम वर्षा तथा मेघ गर्जनसितै पानी पर्नसक्छ।कोलकाताको अधिकतम तापमान 28.2 डिग्री सेल्सियस (सामान्यभन्दा 4.5 डिग्री कम), न्यूनतम तापमान 26.0 डिग्री सेल्सियस (सामान्यभन्दा 0.6 डिग्री कम) दर्ता गरिएको छ। कोलकाताको वातावरणमा अधिकतम आद्रता 97 प्रतिशत अनि न्यूनतम आद्रता 88 प्रतिशत छ।

हिन्दुस्थान समाचार / उष्णता छेत्री शर्मा