इम्फाल, 25 अगस्त (हि.स.)। मणिपुर पुलिस औ सुरक्षा बलहरूले बितेको 24 घण्टाभित्रमा संचालित अभियानमा एक जना उग्रवादी क्याडरलाई पक्राउ गरेका छन्। यसको साथै भारी मात्रामा हतियार एवं गोला-बारूद जफत गरिएको छ भने दुई जना तस्करहरूलाई सुपारीको खेप सहित पक्राउ गरिएको छ।
पुलिस प्रवक्ताले सोमवार बताए, काकचिंग जिल्लाको तांगजेंग खुन्नौ क्षेत्रबाट पुलिसले प्रतिबन्धित संगठन कांगलेई यावोल कन्ना लुप (केवाईकेएल) क्याडर थोंगम दिलीप मैतेईलाई पक्राउ गऱ्यो। नापत मयाई लाइकाई निवासी मैतेईमाथि स्कूल तथा ईँटा-भट्टी मालिकहरूबाट पैसा असुल गरेको आरोप छ। यस अवधि दुईवटा मोबाइल फोन जफत गरिएको छ जसबाट संगठनका आर्थिक गतिविधिहरूको खुलासा हुने सम्भावना छ।
अर्कोतिर इम्फाल ईस्ट जिल्लाको हुइकाप गाउँको पहाड़ी क्षेत्रबाट सुरक्षा बलहहरूले हतियारहरूको ठूलो भण्डार जफत गरे जसमा चार किलोको आईईडी, 9 एमएम पेस्तोल, दुई वटा सिंगल ब्यारल राइफल, ग्रेनेड, प्रचुर मात्रामा कारतूस र वायरलेस सेट सामेल छन्। यसबाट संकेत पाइन्च कि हतियार कुनै समन्वित आतंकवादी योजनाको भाग थियो।
यसै अवधि बिष्णुपुर जिल्लाको फौगकचाओ इकाई बजारमा एक टाटा योधा वाहनबाट दुईजना युवकहरूलाई 30 बोरा सुपारीसित पक्राउ गरियो। आरोपीहरूको पहिचान मोहम्मद अजिज खान (23) र मोहम्मद सुरज खान (20)- को रूपमा भएको छ। जफत खेपको वजन 13 सय किलोभन्दा अधिक रहेको बताइएको छ।
अधिकारीहरूले यी संयुक्त अभियानहरूलाई राज्यमा रंगदारी नेटवर्क तथा अवैध तस्करी विरूद्ध ठूलो सफलता बताएका छन्।
हिन्दुस्थान समाचार / उष्णता छेत्री शर्मा