कोलकाता, 25 अगस्त (हि.स.)। राज्यको विधानसभा चुनाउ आउनु अब केही महिना मात्र बाँकी छ। नयाँ सालको आगमनसितै चुनावी बिगुल बज्नेछ। त्यसपूर्व प्रदेश भाजपा संगठनलाई अझ सुदृढ़ बनाउनमा जुटेको छ। यसै दिशामा कदम बढ़ाउँदै प्रदेश भाजपा अध्यक्ष शमिक भट्टचार्यले आगामी महिनादेखिको नयाँ कार्यक्रम आरम्भ गरिरहेका छन् जसको नाम हो – ‘कार्यकर्ता बन्धुहरूको दरबार’।

यस कार्यक्रम अन्तर्गत हरेक सोमवार प्रदेश भाजपा अध्यक्षले कार्यकर्ताहरूको सिकायत तथा समस्या सुन्नेछन्। अपरान्ह 2 बजेदेखि साँझ 6 बजीसम्म कोलकातास्थित मुरलीधर सेन लेनको भाजपा राज्य मुख्यालमा यो सम्वाद हुनेछ। कार्यक्रमको मुख्य उदेश्य संगठनको धरातलीय कमी-कमजोरी तथा असन्तोषलाई उजागार गरेर त्यसको समाधान खोज्नु हो।

वास्तवमा प्रदेश भाजपामा गुटबाजी र आपसी कलहको कारणले संगठनलाई अपेक्षित लाभ भइरहेको छैन। तल्लो स्तरका कार्यकर्ताहरूमा असन्तोष लगातार बढ़िरहेको छ। यसै असन्तोषलाई समाधान गर्न अनि संगठनलाई सुदृढ़ बनाउनको लागि नयाँ प्रदेश अध्यक्ष शमिक भट्टचार्यले यो पहल गरेका हुन्।

हरेक सोमवार आयोजना हुने उनको कार्यक्रम ‘कार्यकर्ता बन्धुहरूको दरबार’ यसै रणनीतिको एक भाग हो। यसमा सोझै सामान्य कार्यकर्ताहरूसित सम्वाद गरेर शमिक भट्टचार्यले संगठनसित सम्बन्धित समस्याहरूलाई सुल्झाउने चेष्टा गर्नेछन्।

हिन्दुस्थान समाचार / उष्णता छेत्री शर्मा