जलपाईगुड़ी, 25 अगस्त (हि. स.)। जिल्लाको नागराकाटा राष्ट्रिय राजमार्गमा सोमवार अनियन्त्रित भएर एउटा बोलेरो पल्टिएर तीन जना मानिसहरूको घटनास्थलमै मृत्यु भयो भने तेह्र जना मानिसहरू घाइते भए। घाइतेहरूमध्ये केहीको अवस्था गम्भीर रहेको बताइएको छ।

जानकारी अनुसार बोलेरो वाहन खेरकाटादेखि गाठिया चियान बगानतर्फ गइरहेको थियो। वाहनमा अधिकांश चिया बगानका श्रमिकहरू सवार थिए। दुर्घटनामा तीन जना श्रमिकहरूको मृत्यु भयो अनि तेह्रजना घाइते भए। स्थानीय मानिसहरूको सहयोगमा घाइतेहरूलाई माल सुपर स्पेशियलिटी अस्पताल तथा सुलकापाड़ा ग्रामीण अस्पतालमा भर्ती गरियो। घटनास्थलमा पुलिस बललाई तैनाथ गरिएको छ। नागराकाटाका बीडीओ पंकज कोणार र आईसी कौशिक कर्मकार घटनास्थलमा पुगेर बचाउ कार्यमा सामेल भए।

दुर्घटनाको कारण स्पष्ट हुन नसके पनि स्थानीय मानिसहरूले आरोप लगाएका छन्, बोलेरोमा क्षमताभन्दा अधिक यात्रीहरू सवार थिए। सड़क भत्किएको कारणले चालकले नियन्त्रण गुमायो। पुलिसले सम्पूर्ण मामिलाको जाँच शुरू गरेको छ। स्थानीय मानिसहरूको सिकायतलाई पनि गम्भीर रूपमा लिइएको छ।

अर्कोतिर घटनाको जानकारी पाउनसाथ पञ्चायत समिति अध्यक्ष सञ्जय कुजूर, पञ्चायत सदस्य लतिफुल इस्लाम र मजरूल हक पनि घटनास्थलमा पुगेर घाइतेहरूलाई सहयोग गरे। सुलकापाड़ा ग्रामीण अस्पतालमा ब्लक स्वास्थ्य अधिकारी डा. इरफान मोल्ला हुसैन पनि उपचारमा जुटे।

हिन्दुस्थान समाचार / उष्णता छेत्री शर्मा