नयाँ दिल्ली, 25 अगस्त (हि.स.)। दिल्ली पुलिसको स्पेशल सेलले ठूलो कारबाही गर्दै कुख्यात ग्यांगस्टर नीरज फरिदपुरिया-हिमांंशु भाऊ गिरोहसित सम्बन्धित दुईजना शार्प शुटरहरूलाई पक्राउ गरेको छ। यिनीहरू ती आरोपीहरू हुन् जसले गत 17 अगस्तमा गुरूग्रामस्थित यूट्यूबर एल्विश यादवको घरमा अन्धाधुन्द फायरिंग गरेका थिए। पुलिसले यिनीहरूको कब्जाबाट एउटा पेस्तोल, चार वटा जिउँदो कारतूस र एउटा मोबाइल फोन जफत गरेको छ।
स्पेशल सेलका डीसीपी अमित कौशिक अनुसार गत 17 अगस्तको बिहान लगभग 5:25 बजे मोटरसाइकल सवार तीनजना उपद्रवीहरू एल्विश यादवको घरमा पुगेका थिए। यिनीहरूमध्ये दुईजनाले अन्धाधुन्द गोली चलाए भने तेस्रो बाइकमै बाहिर बसिरह्यो। पछि ग्यांगस्टर नीरज फरिदपुरियाले सोशल मीडियामा हमलाको जिम्मेवारी लिएको थियो। यस मामिलामा गुरूग्राम थाना सेक्टर- 56 मा एफआईआर दर्ता गरिएको थियो।
पक्रा पर्ने आरोपीहरूको पहिचान फरिदाबाद निवासी गौतम सिंह उपनाम निक्का (22) र फरिदाबाद निवासी आदित्य तिवारी (19)- को रूपमा भएको छ। जाँचमा खुलासा भए अनुसार हमलापछि दुवै आरोपी नेपाल बोर्डर तर्फ भागेका थिए। तर गिरोहका मुखियाले उनीहरूलाई दिल्ली फर्किने आदेश दियो।
जाँंचबुझमा दुवैले स्वीकार गरे, उनीहरूले नीरज फरिदपुरिया-हिमांशु भाऊ गिरोहको इशारामा हमला गरेका थिए जसको निम्ति गिरोहले उनीहरूलाई हतियार पैसा उपलब्ध गराएको थियो। डीसीपी अनुसार पुलिसले आरोपीहरूविरूद्ध स्पेशल सेल थानामा आर्म्स एक्ट अन्तर्गत मुद्दा दर्ता गराएको छ। हाल पुलिसले गिरोहका अन्य सदस्य तथा फण्डिंग नेटवर्कको जानकारी जुटाइरहेको छ।
हिन्दुस्थान समाचार / उष्णता छेत्री शर्मा