नयाँ दिल्ली, 25 अगस्त (हि.स.)। द्वारका जिल्लाको डाबड़ी क्षेत्रमा एकजना युवतीको हत्या गरी शवलाई तह लगाएको मामिलामा पुलिसले आरोपी दर्जीलाई पक्राउ गरेको छ। मृतकाको उमेर लगभग 20 वर्ष रहेको छ।
पुलिस अनुसार गत 23 अगस्तको अपरान्ह लगभग 2:54 बजे थाना डाबड़ीमा पीसीआर कलको माध्यमबाट मृतकाकी आमाले आफ्नी छोरी बेपत्ता भएको सूचना दिइन्। जाँच गर्ने क्रममा पुलिसले युवतीको शव फेला पाऱ्यो। सीसीटीभी फुटेज र तकनिकी जाँचमा खुलासा भयो, गत 21 अगस्तको दिन मृतकालाई अन्तिम पटक महावीर एन्क्लेभ निवासी आरोपी सलिम (35)-सित एक भवनमा जाँदै गरेको देखिएको थियो। पछि आरोपीलाई भवनबाट शवलाई लुकाएर बाहिरिँदै गरेको देखियो।
पुलिस जाँचमा थाहा लाग्यो, सलिम र मृतका एका-अर्कासित परिचित थिए भने दुवैले एका-अर्कासित भेटघाट गर्ने गर्दथे। मृतकाले आरोपीसित आफ्नो पैसा मागेकी थिई जसलाई लिएर विवाद भयो। आक्रोशमा आएर सलिमले युवतीको गला दबाएर हत्या गरिदियो। शवलाई बाइक मार्फत डाबड़ीको नालामा फाल्ने चेष्टा गऱ्यो, तर शव चिप्लिएको कारणले वरपरका मानिसहरूलाई शंका भयो। त्यसपछि आरोपी घटनास्थलबाट भाग्यो।
पुलिसले तुरून्त मामिला दर्ता गरी विभिन्न टीमहरूलाई हरदोई, उप्रसम्म पठायो। अन्ततः पुलिसले आरोपीलाई पक्राउ गऱ्यो। हाल पुलिसले आरोपीसित गहन जाँचबुझ गरिरहेको छ।
हिन्दुस्थान समाचार / उष्णता छेत्री शर्मा