नयाँ दिल्ली, 25 अगस्त (हि.स.)। दक्षिण-पूर्वी जिल्लाको सनलाइट कलोनी थाना क्षेत्रमा गए आइतवार अबेर राति 21 वर्षीय युवकले यमुना पुलबाट हाम फालेर आत्महत्या गर्ने प्रयास गऱ्यो। युवकको खोजीमा एनडीआरएफ तथा दमकल विभागका टीमहरू लगातार जुटिरहेको भए पनि अहिलेसम्म सफलता प्राप्त भएको छैन।
दक्षिण-पूर्वी जिल्लाका डीसीपी डा. हेमन्त तिवारी अनुसार राति लगभग 11:22 बजी थाना सनलाइट कलोनीमा पीसीआर कल मार्फत सूचना प्राप्त भयो कि एक जना युवकले डीएनडी फ्लाइओभर नजिक भीडियो कल अवधि यमुना पुलबाट हामफाल्यो। सूचना पाउनसाथ पुलिस तथा पीसीआर भ्यान घटनास्थलमा पुग्यो। पुलमा एउटा मोटरसाइकल र मोबाइल फोन भेटियो।
फोन कल गर्ने युवती सुमनले बताइन्, पीड़ित युवक ऋतिक (21) उसको भाइ हो जो बितेका केही महिनादेखिको उसित करोल बागस्थित घरमा बस्दै आइरहेको थियो। ऋतिकको केही दिनदेखिको आफ्नी प्रेमिकासित विवाद भइरहेको थियो। त्यसैले उ बितेका दुई-तीन महिनादेखिको अवसादमा थियो। आइतवार राति दिदीसित भीडियो कलमा बहस गर्दा-गर्दै अचानक पुलबाट हाम फालेर आत्महत्या गर्ने प्रयास गऱ्यो।
सूचना पाउनसात पुलिसले एनडीआरएफ, दमकल र डीडीएमएलाई घटनास्थलमा बोलायो। लगभग 15-20 मिनटमा मोटरबोट टीमले यमुना नदीमा खोजी कार्य शुरू गऱ्यो। रातभरिको सर्च अभियान पश्चात पनि युवकको बारेमा कुनै पत्तो लाग्न सकेन। हाल पनि खोजी अभियान जारी छ।
हिन्दुस्थान समाचार / उष्णता छेत्री शर्मा