कोलकाता, 26 अगस्त (हि.स.)। पश्चिम बंगालकी मुख्यमन्त्री ममता ब्यानर्जीले मंगलवार भनिन्, स्वास्थ्य बीमा प्रीमियममाथि वस्तु एवं सेवा कर (जीएसटी)- को छूट लागू भएपछि राज्यको ढुकुटीलाई प्रतिवर्ष लगभग 9 सय करोड़ रुपियाँ नोक्सान भइरहेको छ।
जीएसटी दरहरूको व्यापक पुनर्गठन अन्तर्गत स्वास्थ्य बीमा तथा अन्य केही वस्तुहरूलाई कर (ट्याक्स)-बाट मुक्त गर्ने प्रस्ताव आगामी महिना जीएसटी परिषदको बैठकमा राख्न सकिन्छ।
ममता ब्यानर्जीले बर्दवानमा आयोजित एक सरकारी कार्यक्रममा भनिन्, स्वास्थ्य बीमामाथि जीएसटी माफीबाट बंगाललाई 9 सय करोड़ रुपियाँको नोक्सान हुनेछ, तर हामीले जनताको बारेमा पहिला नै सोच्नुपर्छ। हामीले यस सुधारको वकालत यस कारण गरेका हौं ताकि अधिकभन्दा अधिक मानिसहरूले बीमा कभरेज हासिल गर्न सकोस्।
हाल स्वास्थ्य बीमामाथि 18 प्रतिशत जीएसटी लाग्छ जसमध्ये राज्यहरूले नौ प्रतिशत अंशदारी पाउँछन्।
मुख्यमन्त्रीले चेताउनी पनि दिइन्, यस राहतको फाइदा बीमा कम्पनीहरूले प्रीमियम बढ़ाएर कम नगरोस्। उनले भनिन्, जीएसटी कटौतीपछि कम्पनीहरूले प्रीमिम नबढ़ाओस्। यस पहलको उदेश्य परिवारहरूमाथि परेको बोझ घटाउनु हो।”
विशेषज्ञहरूको मान्यता छ, प्रस्तावित राहतबाट देशमा स्वास्थ्य बीमाको पहुँच बढ़्नेछ जहाँ अहिलेसम्ममा केवल एक-पाँचौ भाग जनसंख्याको निजी स्वास्थ्य बीमाको दायरामा छ। यद्यपि राज्यहरूले राजस्व नोक्सानलाई लिएर चिन्ता व्यक्त गरेका छन्, किनभने स्वास्थ्य बीमामा पाइने जीएसटी उनीहरूको कर संग्रहको मुख्य भाग हो।
ममता ब्यनर्जीले बताइन्, उनको सरकारले ‘स्वास्थ्य साथी’ योजनाको दायरालाई अझ बढ़ाउने काम गरिरहेको छ। यस योजना अन्तर्गत राज्यवासीहरूलाई पाँच लाख रुपियाँसम्मको निःशुल्क स्वास्थ्य कभरेज उपलब्ध गराइनेछ। उनले भनिन्, जीएसटी माफी तथा राज्यको पहल मिलेर मानिसहरूलाई स्वास्थ्य बीमा अप्नाउनको लागि प्रोत्साहित गर्नेछ।
हिन्दुस्थान समाचार / उष्णता छेत्री शर्मा