गोलाघाट (असम), 26 अगस्त (हि.स.)। एकपटक फेरि गोलाघाटको रेंगमा संरक्षित वन क्षेत्रमा जिल्ला प्रशासनद्वारा अतिक्रमण हटाऔं अभियान शुरू गरिएको छ। रेंगमा संरक्षित वन क्षेत्रको हात्तीडुबी, राणानगर र 1 नम्बर मधुपुरमा अवैध अतिक्रमणलाई हटाउनको लागि अभियान आरम्भ गरिएको छ। अभियानमा जिल्ला प्रशासनका अधिकारी एवं कर्मचारीहरू सहित ठूलो संख्यामा बुलडोजर, पुलिस बल तथा केन्द्रिय अर्धसैनिक बलका जवानहरू उपस्थित छन्।

पछिल्लो केही दिनअघि पनि रेंगमा संरक्षित वन क्षेत्रको उरियामघाटमा व्यापक रूपमा सरकारी भूमिलाई खाली गराइएको थियो। आजको अभियान त्यसै श्रृंखलाको एक भाग हो। राज्य सरकारद्वारा अवैध अतिक्रमणविरूद्ध शुरू गरिएको अभियानको विपक्षी दलहरूले यसो भन्दै विरोध गर्न शुरू गरेका छन्, स्थानीय नागरिकहरूप्रति भेदभाव गरिँदैछ। अर्कोतिर मुख्यमन्त्री डा. हिमन्त बिस्व सरमाले भनेका छन्, कुनै पनि व्यक्तिलाई सरकारी भूमिमा कब्जा गर्न दिइनेछैन।

हिन्दुस्थान समाचार / उष्णता छेत्री शर्मा