कामरूप (असम), 26 अगस्त (हि.स.) । पुलिसको मोस्ट वाण्टेड सूचीमा सामेल साइबर अपराधी सहाजमाल हकलाई अन्ततः पुलिसले पक्राउ गऱ्यो। बोकोको सोनतली निवासी हकलाई पान बजार पुलिसले विशेष अभियान संचालन गरी पक्राउ गरेको हो।

सहाजमाल हकमाथि आरोप लागेको छ, उसले निवेश एप तथा अन्य नक्कली ढंगमा मानिसहरूको खाताबाट करोड़ौं रुपियाँ हड़पेर धेरैजनालाई कंगाल बनाइदियो।

सूत्र अनुसार सहाजमाल मात्र नभएर सोनतली क्षेत्रका अन्य कतिपय युवकहरू पनि यस प्रकारको साइबर ठगीमा सामेल छन्। देशभरि फैलिएको यस नेटवर्कको माध्यमबाट करोड़ौं रुपियाँ ठगी गरी केही अपराधीहरू केही वर्षभित्रमै हजारौं करोड़ रुपियाँको मालिक बनिसकेका छन्।

यस अतिरिक्त यो पनि आरोप छ, सोनतलीका यी साइबर अपराधीहरूको सम्बन्ध केही प्रभावशाली राजनीतिक नेता तथा सरकारी अधिकारीहरूसित पनि छ। यहाँसम्म कि केही वरिष्ठ नेताहरू साइबर अपराधीहरूको घरमा अतिथि भएर बस्ने समेत गर्दछन्।

अब यहाँ एउटा ठूलो प्रश्न छ, राजनैतिक तथा प्रशासनिक संरक्षणमा हुर्किरहेका यी ठगहरूबाट आम जनतालाई कसले सुरक्षा देलान्?

हिन्दुस्थान समाचार / उष्णता छेत्री शर्मा