श्रीभूमि (असम), 26 अगस्त (हि.स.)। पथारकान्दीबाट चार जना चतुर बाइक चोरहरूलाई पक्राउ गरिएको छ। यी चोरहरूको पहिचान बड़याइल नामक गाउँका सुल्तान अहमद, साहिल अहमदरका बारीबन्द गाउँका रिजवान अहमदर मामुन अल अमिलको रूपमा गरिएको छ। स्थानीय मानिसहरूको भनाइ छ, आँखा चिम गर्नसाथ बाइक चोरेर भाग्न खप्पिस छ।

गत शनिवार पथारकान्दीको पेकर गाउँको खेल मैदानमा फुटबल म्याच भइरहेको थियो। म्याच हेर्न गएका संगजुर गाउँका सिफार उद्दीन नामक व्यक्तिको बाइक (एएस-10एफ-3995) चोरी भयो। त्यसपछि बाइक मालिकले पथारकान्दी पुलिस थानामा सिकायत दर्ता गराए। यसबीच गए सोमवार पथारकान्दी पुलिस थाना अन्तर्गत मानिकपारा क्षेत्रमा तीन जना युवकहरूलाई नम्बर प्लेट बिनाको बाइक चलाउँदै गरेको देखेर शंका लाग्यो अनि उनीहरूलाई समातियो।

पथारकान्दी पुलिसले बतायो, शंका लागेपछि स्थानीय मानिसहरूले चोरीको बाइकसितै तीन जना मानिसहरूलाई समातेर पुलिसलाई सुम्पिदिए। पुलिस जाँचबुझमा अल अमिन नामक अर्को व्यक्तिको पनि नाम आएपछि पुलिसले उसलाई समात्यो। यस सम्पूर्ण मामिलामा चोरी भएको दुई वटा बाइकसितै चार जना चोरहरूलाई पुलिसले पक्राउ गरेको छ।

हिन्दुस्थान समाचार / उष्णता छेत्री शर्मा