सिलगढ़ी, 26 अगस्त (हि.स)। बागडोगराको हंसखोवा मुनि चिया बगानस्थित राष्ट्रिय राजमार्ग- 31 मा वाहनको ठक्करले एउटा चितुवाको मृत्यु भएको छ।

वन विभाग अनुसार गए सोमवार अबेर राती राष्ट्रिय राजमार्ग-31 स्थित मुनि चिया बगान क्षेत्रमा वाहनको ठक्करले एउटा चितुवा घाइते भएको खबर प्राप्त भयो। सूचना पाउनसाथ बागडोगरा वन विभागका कर्मचारीहरू तुरून्त घटनास्थलमा पुगे। वनकर्मीहरूले चितुवाको जाँच गर्दा त्यसलाई मृत पाइयो। पछि शवलाई पोस्टमर्टम गर्नको लागि बंगाल सफारीमा पठाइयो।

बागडोगरा वन विभागका रेञ्जर सोनम भोटियाले बताए, गए राती एउटा द्रूत गतिको वाहनको चपेटमा परेर चितुवाको मृत्यु भएको छ। राष्ट्रिय राजमार्ग-31 मा वाहन चालकहरूको गति लिमिट छ। तर पनि दुर्घटनाहरू भइरहेका छन्। तथापि जागरूकता बढ़ाउनको लागि पहल गरिनेछ। उल्लेखनीय छ, पछिल्लो केही दिनदेखिको एउटै ठाउँमा 6 वटा चितुवाको मृत्यु भइसकेको छ।

हिन्दुस्थान समाचार / उष्णता छेत्री शर्मा