कोलकाता, 26 अगस्त (हि. स.)। पश्चिम बंगालकी मुख्यमन्त्री ममता ब्यानर्जीले मदर टेरेसा सन्त टेरेसा अफ कलकत्ता)-को जयन्तीमा उनलाई नमन गर्दै श्रद्धाञ्जली अर्पण गरिन्। उनले ट्वीट गरी भनिन्, मदर टेरेसा शान्ति, सौभातृत्व तथा मानवताकी प्रतीक थिइन्।
मंगलवारमाइक्रो ब्लगिंग साइट एक्समा मुख्यमन्त्रीले लेखिन्, मानवताप्रति प्रेम कुन उच्चतासम्म पुग्नसक्छ तथा सेवा कतिसम्म निःस्वार्थ हुनसक्छ भन्ने कुरा सारा विश्वलाई मदर टेरेसाले देखाइन्। उनले भनिन्, मदर टेरेसाको जीवनर कार्यले दुनियाँभरिका अनगन्ती मानिसहरूलाई जस्तै उनलाई पनि जाति, धर्म एवं समुदायको सीमादेखि माथि उक्लेर सबैको भलाईको लागि काम गर्न प्रेरित गर्दछ।
ममता ब्यानर्जीले आफ्नो ट्वीटमा पनि उल्लेख गरिन्, उनलाई मदर टेरेसाको सान्निध्यमा उनीसित काम गर्ने सौभाग्य प्राप्त भएको थियो। उनले भनिन्, राज्यमा खाद्य सुरक्षा, स्वास्थ्य सुरक्षा एवं सामाजिक सुरक्षासित सम्बन्धित अनेकौं कार्यहरूको पछाड़ि मदर टेरेसाबाट प्राप्त प्रेरणा नै प्रमुख रहेको छ।
मदर टेरेसाको जन्म 26 अगस्त,1910-मा भएको थियो। उनले आफ्नो सम्पूर्ण जीवनलाई मानव सेवाप्रति समर्पित गरिन्। वर्ष 2016-मा उनलाई भेटिकन सिटीमा सन्त-को उपाधिद्वारा सम्मानित गरिएको थियो।
हिन्दुस्थान समाचार / उष्णता छेत्री शर्मा