कोलकाता, 26 अगस्त (हि.स.)। पञ्जाबबाट कोलकाता आएकी एकजना युवतीको गए सोमवार राती आनन्दपुर क्षेत्रस्थित एक गेस्ट हाउसमा रहस्यमय परिस्थितिमा मृत्यु भयो। मृतकाको पहिचान श्रेया वर्मा (27 वर्ष)- को रूपमा भएको छ। पुलिसको शुरूआती जाँचमा आशंका व्यक्त गरिएको छ, उनको मृत्यु अत्यधिक मदिरा सेवनको कारणले भएको हो।

पुलिस सूत्र अनुसार श्रेया वर्मा हालैमा कोलकाता आएकी थिइन् भने यहाँ उनी आनन्दपुरस्थित एक गेस्ट हाउसमा बसेकी थिइन्। गए सोमवार राती तिनी आफ्नो पुरूष मित्र मोहम्मद चाँदसित कोठामा उपस्थित थिइन्। भनिन्छ, दुवैले नै अबेर रातीसम्म मदिरा सेवन गरे।

मंगलवार बिहान श्रेयालाई अचेत अवस्थामा पाइयो। त्यसपछि मोहम्मद चाँदले नै उसलाई नजिकैको अस्पतालमा लिएर गए जहाँ डाक्टरहरूले युवतीलाई मृत घोषित गरिदिए।

घटनाको जानकारी पाएपछि आनन्दपुर थानाको पुलिसले गेस्ट हाउसमा पुगेर जाँच शुरू गरेको छ। शुरूआती अनुमानमा पुलिसको भनाइ छ, मृत्यु मदिरा सेवनबाट भएको हुनसक्छ। यद्यपि सठीक कारणको खुलासा पोस्टमर्टम रिपोर्टपछि नै हुनेछ।

यसबीच पुलिसले मोहम्मद चाँदसित जाँचबुझ गरिरहेको छ साथै गेस्ट हाउसको सीसीटीभी फुटेजको पनि जाँच गरिरहेको छ।

हिन्दुस्थान समाचार / उष्णता छेत्री शर्मा