कोलकाता, 26 अगस्त (हि.स.)। पश्चिम बंगाल विधानसभामा नेता प्रतिपक्ष औ भाजपा नेता शुभेन्दु अधिकारीले मंगलवार सल्टलेकस्थित भाजपा कार्यालयमा प्रेस वार्ता गरी राज्यको तृणमूल सरकारमाथि आदिवासी समाजको उत्पीड़न तथा आरक्षणदेखि वञ्चित गरेको गम्भीर आरोप लगाए।
शुभेन्दु अधिकारीले भने, देशको जल, जंगल तथा जमीनको रक्षामा आदिवासी समाजको भूमिका सदैव अतुलनीय रहिआएको छ। भगवान बिरसा मुण्डा, सिद्धु-कान्हु मुर्मू जस्ता नेताहरूको नेतृत्वमा भएको हूल विद्रोह एवं आन्दोलनले भारतको स्वतन्त्रता संग्रामलाई नयाँ दिशा दिएको थियो। उनले भने, प्रधानमन्त्री नरेन्द्र मोदीले सदैव आदिवासी समाजलाई प्राथमिकता दिएका छन् जसको सबैभन्दा ठूलो उदाहरण राष्ट्रपति द्रौपदी मुर्मूको चयनलाई मान्न सकिन्छ। त्यसबेला तृणमूल कंग्रेसले उनको विरोध गर्दै उनी विरूद्ध भोट गरेको थियो।
आरक्षणदेखि वञ्चित आदिवासी-
अधिकारीले आरोप लगाए, पश्चिम बंगालमा आदिवासीहरूलाई मात्र 6 प्रतिशत तथा अनुसूचित जातिलाई 22 प्रतिशत आरक्षण दिइएको छ जसले गर्दा आदिवासीहरू केही सरकारी सुविधाहरूदेखि वञ्चित भएका छन्। खाद्य विभागमा 15 हजार रुपियाँ वेतन पाउने कन्ट्र्याक्ट नोकरीमा पनि आरक्षण लागू गरिएको छैन जबकि केन्द्रको एससी एसटी आयोगले स्पष्ट पारिसकेको छ कि कन्ट्र्याक्ट, पार्ट-टाइम तथा प्रोबेशन पदमा पनि अनिवार्य छ।
तृणमूलमाथि आदिवासीहरूको उत्पीड़न गरेको आरोप लगाउँदै भाजपा नेताले केघी घटनाहरूको उल्लेख गर्दै भने, गत 15 अगस्तको दिन मेदिनीपुर चर्च स्कूल मैदाना आदिवासी समुदायसित सम्बन्धित एकजना शिक्षक तथा फुटबल रेफरीलाई तृणमूल नेताहरूले सार्वजनिक रूपमा अपमान गरे। यस अतिरिक्त 18 अगस्तमा डेबरा ब्लकको लोएदा क्षेत्रका आदिवासी युवक डाक्टर सोरेनलाई आबकारी विभागका अधिकारीहरूले घरबाटै लगेर हत्या गरिदिए। यस्ता घटनाहरू बंगालमा तृणमूल शासनमा भइरहेको छ।
प्रेस वार्ताको अन्तमा शुभेन्दु अधिकारीले यी घटनाहरूसित सम्बन्धित केही भीडियो क्लिप पनि पत्रकारहरू समक्ष प्रस्तुत गरे।
हिन्दुस्थान समाचार / उष्णता छेत्री शर्मा