बर्धमान, 26 अगस्त (हि.स.)। मुख्यमन्त्री ममता ब्यनर्जीको बर्धमान दौड़ाहपूर्व पत्रकारहरूसित कथित रूपमा दुर्व्यवहार गरिएको आरोपमा बर्धमान जिल्लाका एकजना असिस्टेन्ट सब-इन्स्पेक्टर (एएसआई) देवाशिष कुमार देलाई निलम्बन गरी पुलिस लाइनमा क्लोज गरियो। यो कारबाही सोशल मीडियामा भाइरल भीडियोको आधारमा गरिएको हो, तथापि भीडियो प्रामाणिकताको स्वतन्त्र रूपले पुष्टि गरिएको छैन।

जानकारी अनुसार बितेको सोमवार साँझ मुख्यमन्त्रीको कार्यक्रम स्थल बर्धमान म्युनिसिपल स्कूल मैदानमा अन्तिम तयारीको जायजा लिनका लागि जिल्लाशासक आयेशा रानी ए, पुलिस अधीक्षक सायक दास तथा अन्य अधिकारीहरू पुगेका थिए। यस अवधि समाचार कभरेज गर्नका लागि पत्रकारहरू पनि त्यहाँ उपस्थित थिए। भाइरल भीडियोमा एएसआई देवाशिष कुमार देलाई एकजना फोटो पत्रकारको हात समातेर बाहिर निकाल्दै गरेको देख्न सकिन्छ।

यो भीडियो सामू आउनसाथ सोशल मीडिया तथा पत्रकार संगठनहरूमा निन्दा शुरू भयो। त्यसपछि मंगलवार बिहान मुख्यमन्त्रीको यात्रापूर्व विवादलाई टार्नको निम्ति जिल्ला पुलिसले एएसआईलाई निलम्बन गर्ने निर्णय लियो। यस बापत अतिरिक्त पुलिस अधीक्षक (सदर) अर्क बन्धोपाध्यायले पुष्टि गरे।

स्मरण गराइन्छ, मुख्यमन्त्री ममता ब्यनर्जी जो राज्यकी गृहमन्त्री पनि हुन्,- ले समय-समयमा पुलिस कर्मीहरूलाई जनता र मीडियासित सहयोगी व्यवहार गर्ने निर्देश दिँदै आइरहेको भए पनि पत्रकारसित कथित अभद्र व्यवहारको घटना प्रकाशमा आएपछि जिल्ला पुलिसले कड़ा कदम चाल्दै तत्काल कारबाही गऱ्यो।

हिन्दुस्थान समाचार / उष्णता छेत्री शर्मा