गान्तोक, 26 अगस्त (हि.स.)। राज्य शहरी विकास विभाग मन्त्री भोजराज राई आज आवास एवं शहरी मामिला मन्त्रालय, भारत सरकारद्वारा आयोजित भर्चुअल बैठकमा सहभागी बने। बैठकको अध्यक्षता केन्द्रिय मन्त्री मनोहर लालले गरेका थिए। बैठकमा सबै राज्य र केन्द्र शासित प्रदेशका मन्त्रीहरू सहभागी थिए। सिक्किमबाट मन्त्रीको साथमा शहरी विकास विभागका आयुक्त एवं सचिव जितेन्द्रसिंह राजे र सचिव योगीता राईले पनि भाग लिएका थिए।

बैठकमा चलिरहेको दिगो शहरी स्वच्छताको सुदृढिकरण र आगामी राष्ट्रिय साफसफाई अभियानमा सबै राज्य र केन्द्र शासित प्रदेशहरूको सक्रिय सहभागिता सुनिश्चित गर्न छलफल भयो। मन्त्री राईले मन्त्रालयलाई सिक्किम सरकारद्वारा राज्यमा ठोस फोहोर प्रबन्धनको क्षेत्रमा गरिएका विभिन्न पहलहरूको बारेमा जानकारी गराए। उनले राज्यका नागरिकहरूको स्वास्थ्य र स्वच्छताप्रति सरकारको प्रतिबद्धता दोहोऱ्याए। मन्त्री राईले शहरी स्वच्छता, ठोस फोहोर प्रबन्धन र दिगो विकासको लागि अभिनव र समावेशी समाधानको दिशामा काम गर्ने आश्वासन दिए।

हिन्दुस्थान समाचार / बिशाल