मालदह, 26 अगस्त (हि.स.)। मालदह जिल्लाकोहरिश्चन्द्रपुर थानान्तर्गत दतियान गाउँमा गए सोमवार स्थानीय मानिसहरूले एकजना युवकलाई बन्धक बनाए। आरोप थियो, युवकले गाउँकै एकजना युवतीलाई आपत्तिजनक प्रस्ताव राखेको थियो।
घटनाको सूचना पाउनसाथ पुलिसको ऱ्यापिड टीमले घटनास्थलमा पुगेर भीड़बाट युवकलाई मुक्त गराएर थानामा लगिरहेको थियो, तर स्थानीय मानिसहरूले राष्ट्रिय राजमार्गमा पुलिस भ्यानलाई रोकेर युवकलाई खोस्ने चेष्टा गरे। आरोप छ, उनीहरूले पञ्चायत राखेर मामिला सुल्झाउने अनि पैसा असुल गर्न चाहन्थे।
पुलिस अधिकारीहरूले धैर्य एवं सतर्कतापूर्वक स्थितिलाई सम्हाले अनि युवकलाई सुरक्षित थानामा लिएर गए। पछि चांचलका एसडीपीओ अतिरिक्त बल सहित घटनास्थलमा पुगे। पुलिसले घटनास्थलबाट पाँचजना मानिसहरूलाई पक्राउ गऱ्यो। भीडियो फुटेजको आधारमा अन्य आरोपीहरूलाई पक्राउ गर्न छापामारी पनि पुलिसले गरिरहेको छ।
हाल स्थिति पूर्ण रूपले नियन्त्रणमा छ। गाउँ तथा यस वरपरका क्षेत्रमा शान्ति कायम राख्नको लागि पुलिस पिकेट तैनाथ गरिएको छ। मामिलामा एक प्राथमिकी दर्ता गरी अग्रिम कानूनी कारबाही गरिँदैछ।
---------------
हिन्दुस्थान समाचार / उष्णता छेत्री शर्मा