कोलकाता, 25 अगस्त (हि. स.)। प्रधानमन्त्री नरेन्द्र मोदीद्वारा गत 22 अगस्तको दिन तीन महत्वपूर्ण मेट्रो रूटहरूको उद्घाटन गरिएपछि गए सोमवारदेखि शुरू भएको व्यवसायिक सेवाहरूमा यात्रीहरूको व्यापक उत्साह देख्न पाइएको छ। सोमवार साँझ 5 बजेसम्म मोठ 4 लाख 85 हजार यात्रीहरूले कोलकाता मेट्रोका तीनै वटा लाइनमा यात्रा गरे।
नयाँ सेवाहरूमा नोआपाड़ादेखि जय हिन्द विमानबन्दर (एयरपोर्ट)-सम्म 'यल्लो लाइन' औ कवि सुभाषदेखि बेलघाटासम्म 'अरेञ्ज लाइन'-लाई गए सोमवारदेखि यात्रीहरूको निम्ति खोलियो। ग्रीन लाइन (हावड़ा मैदान-एस्प्लानेड- सियालदह)-मा बिहानदेखि नै व्यापक भीड़ देखियो। साँझ सेक्टर पाँचको करूणामयी र फूलबगान जस्तो स्टेशनहरूमा पनि यात्रीहरूको खचाखच भीड़ देखियो।
मेट्रो अधिकारीहरू अनुसार सोमवार ग्रीन लाइनमा सबैभन्दा अधिक भीड़ रह्यो भने अन्य नयाँ रूटहरूमा पनि यात्रीहरूको संख्या द्रूत गतिमा बढ़िरहेको छ। अनुमान छ, राती 10 बजे अन्तिम ट्रेन हिँड़दासम्ममा यो आँकड़ा अझ बढ़्नेछ।
अहिलेसम्ममा ब्लू लाइन (दक्षिणेश्वर- शहीद खुदीराम)-मा मात्र लगभग 5 लाख 6 हजार यात्रीहरूले प्रतिदिन यात्रा गर्दथे भने नयाँ रूटहरू खोलिएपछि अझ यात्रीहरूको संख्या बढ़्ने आशा छ। अधिकारीहरूको मान्यता छ, ग्रीन लाइनले चाँड़ै नै ब्लू लाइनलाई टक्कर दिनेछ।
हिन्दुस्थान समाचार / उष्णता छेत्री शर्मा