गान्तोक, 26 अगस्त (हि.स.)। सिक्किम सरकारको धर्म मामिला एवं पीएचई विभाग मन्त्री सोनाम लामाले सोमवार केन्द्रिय गृहमन्त्री अमित शाहलाई नयॉं दिल्लीस्थित उनको आवासमा भेट गरे।
यस भेटको क्रममा मन्त्री लामाले परमपावन 17औं ग्यालवा कर्मापा उगेन थिन्ले दोर्जीको चॉंडो भारत फिर्ती लगायत सिक्किमका लम्बित मागहरू गृहमन्त्री शाह समक्ष राखे। यस सम्बन्धमा गृहमन्त्री शाहले आफ्नो सक्दो प्रयास गर्ने आश्वासन दिएको प्रेस विज्ञप्तिमा उल्लेख छ।
गृहमन्त्रीसॅंग भाइब्रेन्ट भिलेज प्रोग्राम अन्तर्गत जलापूर्ति, सिवरेज र जल संसाधन सम्बन्धित राज्य सरकारको प्रस्तावमाथि पनि छलफल भएको बताए। शाहले मुख्यमन्त्री पीएस तामाङको नेतृत्वमा नथुलामा वार्षिक रूपमा पालन भइरहेको विजय दिवसको सराहना गरे। उनले राज्यका चिन्ताहरूलाई सम्बोधन गर्न पूर्ण समर्थनको आश्वासन दिएको बताइएको छ।
हिन्दुस्थान समाचार / बिशाल
