सोनीपत, 27 अगस्त (हि.स.)। हरियाणाको सोनीपतमा 15 वर्षीय किशोरीसित दुष्कर्म भएको मामिला प्रकाशमा आएको छ। बिहार निवासी किशोरीलाई छ्यामाको घरमा लैजाने बहानामा मोहम्मद सञ्जर आलमले उसलाई खरखौदाको फिरोजपुर बांगरमा ल्यायो अनि उसित दुष्कर्म गऱ्यो। पुलिसले आरोपीलाई पक्राउ गरी पोक्सो एक्ट अन्तर्गत मामिला दर्ता गरी जाँच शुरू गरेको छ।

पुलिस सूत्र अनुसार किशोरीको कपड़ालाई लिएर आफ्नी बहिनीसित झगड़ा भएको थियो। त्यसैले उ ब्याग बोकेर बिहारको बरौनी रेलवे स्टेशनमा पुगी जहाँ बिहारको जिल्ला पूर्णिया, गाउँ संझेलीको मोहम्मद सञ्जर आलमसित उसको भेट भयो जसले किशोरीलाई उसकी छ्यामाको घर कोलकाता पुऱ्याइदिने आश्वासन दियो। किशोरीले आलममाथि विश्वास गरेर सँगै ट्रेनमा दिल्ली आइन्। आरोपीले उसलाई कोलकाता लैजानको सट्टा गत 16 अगस्तमा खरखौदाको फिरोजपुर बांगरमा पुऱ्यायो।

यहाँ उसले घर मालिकलाई किशोरी आफ्नी स्वास्नी रहेको बताएर कोठा भाड़ामा लियो। किशोरीको आरोप छ, आलमले उसित दुष्कर्म गऱ्यो। त्यसपछि गत 17 अगस्तको दिन उसलाई लिएर दिल्ली आयो। पुरानो दिल्ली रेलवे स्टेशनमा किशोरी सहित आरोपीलाई रेलवे पुलिसले समातेर जाँचबुझ गर्दा सम्पूर्ण घटनाको खुलासा भयो।

पुलिसले किशोरीलाई चाइल्ड वेलफेयर कमिटी समक्ष पेश गरेर उसको बयान दर्ता गरायो। जीरो एफआईआर दर्ता गरी आरोपीलाई खरखौदा थानामा पठाएर पोक्सो सहित अन्य धाराहरू लगायो।

बुधवार आरोपीलाई पक्राउ गरिएको छ। पुलिसले मामिलाको जाँच गरिरहेको छ।

हिन्दुस्थान समाचार / उष्णता छेत्री शर्मा