उत्तर 24 परगना, 27 अगस्त (हि.स.)। दक्षिण बंगाल फ्रण्टियरको 143औं बटालियनको तराली-एक सीमा चौकीमा तैनाथ सीमा सुरक्षा बलका जवानहरूले भारत-बंगलादेश अन्तर्राष्ट्रिय सीमामा चाँदी तस्करीको प्रयासलाई असफल बनाइदिएका छन्। यस कारबाहीमा जवानहरूले कारको फ्यूल ट्यांकमा लुकाएर राखिएको 20 वटा प्याकेटहरूबाट 27 किलोग्राम चाँदीका गहना तथा बलहरू जफत गरेका छन्। जफत गरिएको चाँदीको अनुमानित बजार मूल्य 27. 36 लाख रुपियाँ रहेको छ। यस मामिलामा एकजना तस्करलाई पक्राउ गरिएको छ।

प्राप्त जानकारी अनुसार गए 26 अगस्त, 2025- को रात लगभग 10 बजे तराली-एक सीमा चौकीका जवानहरूलाई हाकिमपुर चेकपोस्टबाट चाँदी तस्करी भइरहेको गोपनीय सूचना प्राप्त भएको थियो। सूचना पाउनसाथ कम्पनी कमाण्डरले सब ड्यूटीमा तैनाथ जवानहरूलाई सतर्क गगराए। लगभग 10:30 बजे रूटिन चेकिंग अवधि हाकिमपुर चेकपोस्टमा एउटा संदिग्ध कारलाई रोकियो। जाँचबुझमा चालकले सन्तोषजनक जवाफ दिन सकेन जसबाट शंका अझ गहिरियो।

जवानहरूले तुरून्त कम्पनी कमाण्डरलाई सूचित गरी संदिग्धलाई हिरासतमा लिए। कम्पनी कमाण्डर अतिरिक्त बल सहित घटनास्थलमा पुगे अनि संदिग्धसित जाँचबुझ गरी वाहनको खानतलासी गरे। यस अवधि कारको फ्युल ट्यांंकभित्र लुकाएर राखिएको 20 वटा प्याकेट भेटियो। यी प्याकेटहरूलाई खोलेर हेर्दा चाँदीका गहना र बल थियो। त्यसपछि जवानहरूले तस्करलाई समाते अनि जफत गरिएको सामग्रीलाई अग्रिम कारबाहीको लागि सीमा चौकीमा ल्याए।

प्रारम्भिक जाँचबुझमा आरोपीले बताए, उ हाकिमपुर निवासी हो र लामो समयदेखिकै एकजना बंगलादेशी नागरिकको सम्पर्कमा थियो। उसैको निर्देश अनुरूप उसले अवैध चाँदीलाई भारतदेखि बंगलादेश पुऱ्याउने चेष्टा गरिरहेको थियो। यसको सट्टा उसलाई ठूलो धनराशि दिने वाचा गरिएको थियो। जाँचबुझमा यो पनि खुलासा भयो, आरोपी पहिला पनि तस्करीका गतिविधिहरूमा लिप्त रहिसकेको छ।

दक्षिण बंगाल फ्रण्टियरका जनसम्पर्क अधिकारीले बुधवार उक्त घटनाको पुष्टि गर्दै भने, बीएसएफ सीमा क्षेत्रमा तस्करीलाई रोक्नको लागि पूर्ण प्रतिबद्ध छ। उनले भने, जवानहरूको सतर्कताको फलस्वरूपै तस्करीको यो प्रयास असफल भएको छ। सम्पूर्ण नेटवर्कलाई चिन्हित गर्ने प्रयास जारी छ। हाल मामिलाको विस्तृत जाँच गरिँदैछ।

हिन्दुस्थान समाचार / उष्णता छेत्री शर्मा