गुवाहाटी, 27 अगस्त (हि.स.)। मुख्यमन्त्री सतर्कता दल (सीएमवी)-ले बुधवार लखिमी नगरमा व्यापक अभियान संचालन गऱ्यो। यस अवधि एकजना वरिष्ठ कर अधिकारीसित सम्बन्धित कथित अघोषित सम्पत्तिमा छापा मारियो। बिहान लगभग 8 बजेदेखि शुरू भएको छापामारी गुवाहाटीका कतिपय क्षेत्रहरूमा एकसाथ शुरू गरिएको थियो।

सीएमवीको एउटा ठूलो टीमले हाथीगाउँको शुभम एन्क्लेभस्थित ब्लक-एको तेस्रो तलामा अतिरिक्त आयकर शकिल सादुल्लाहको आवासमा विशेष रूपमा खोजी अभियान संचालन गऱ्यो।

यस्तै समानान्तर अभियानमा अर्को टीम विनायक पथस्थित घर संख्या- 21 मा छापा मार्न पुग्यो जहाँ अधिकारीहरूले कथित रूपमा मूल्यवान फर्निचर र घरेलु सामान सहित ठूलो सम्पत्ति जफत गरेका छन्।

सूत्र अनुसार जाँच आवासीय सम्पत्तिसम्म मात्र सीमित छैन जबकि गुवाहाटीका केही व्यवसायिक प्रतिष्ठान तथा अधिकारीहरूसित सम्बन्धित जमीनहरूसम्म पनि फैलिएको छ। रिपोर्टबाट यो पनि थाहा लागेको छ, रेनबो नामक एक पार्लर र एक नर्सरी पनि जाँचको घेराभित्र परेको छ।

अधिकारीहरूले बताए, यो छापा आयभन्दा अधिक सम्पत्ति तथा अघोषित सम्पत्ति राखेको आरोपमा गरिएको हो। दुवै कारबाही जारी छ भने सीएमवीका टीमहरूले जाँच अवधि हात लागेको दस्तावेज तथा सामग्रीहरूको ध्यानपूर्वक जाँच गरिरहेका छन्।

हिन्दुस्थान समाचार / उष्णता छेत्री शर्मा