रायपुर, 27 अगस्त (हि.स.)। छत्तीसगढ़मा पनि 'भोट चोर-गद्दी छोड़' अभियानलाई विस्तार दिइनेछ। छत्तीसगढ़ प्रदेश कंग्रेस कमिटीले आफ्नो जिल्ला पदाधिकारी एवं कार्यकर्ताहरूलाई गए अबेर राति पत्र जारी गरी अभियान अन्तर्गत भोटहरूको परीक्षण गर्ने निर्देश दिएको छ। पछिल्लो वर्ष 2023-को विधानसभा चुनाउका सबै 90 वटै विधानसभा क्षेत्रहरूमा भोट लिस्टको परीक्षण गर्नको लागि कार्यकर्ता अनि नेताहरूलाई भनिएको छ।
छत्तीसगढ़ प्रदेश कंग्रेस कमिटीद्वारा जारी यस पत्रमा पाँच बिन्दुहरूमा भोटर लिस्टको परीक्षण गर्ने निर्देश आफ्ना कार्यकर्ता तथा नेताहरूलाई दिइएको छ जसमा डुप्लीकेट मतदाता, फर्जी एवं अमान्य ठेगाना, एउटै ठेगाना भएको थोकमा मतदाता, अमान्य तस्वीर, फारम-6 को दुरुपयोग सामेल छन्।
छत्तीसगढ़ कंग्रेसका प्रमुख प्रवक्ता धनञ्जय सिंह ठाकुरको भनाइ छ, पार्टीका शीर्ष नेता राहुल गान्धीले कर्णाटक तथा महाराष्ट्रमा भोट चोरीको मामिला उठाएका छन्। सोही आधारमा प्रदेश कंग्रेसले पनि राज्यमा यस्तै गड़बड़ी भएको हुनसक्ने आशंकालाई केन्द्र गर्दै सबै जिल्ला नेता तथा कार्यकर्ताहरूलाई विधानसभागत भोटर लिस्ट परीक्षण गर्न भनेको छ। परीक्षणमा पाइएको गड़बड़ीलाई उजागार गर्ने निर्देश दिइएको छ।
हिन्दुस्थान समाचार / उष्णता छेत्री शर्मा