शाहजहाँपुर, 27 अगस्त (हि.स.) उत्तर प्रदेशको जिल्ला शाहजहाँपुरस्थित रोजा थाना क्षेत्रमा बुधवार आर्थिक समस्याको कारण दम्पतिले आफ्नो अबोध छोरालाई विष खुवाएपछि आफूहरूले फाँसी लगाएर आत्महत्या गरे। सूचना पाएर घटनास्थलमा पुगेका पुलिस अधीक्षक राजेश द्विवेदीले घटनास्थलको निरीक्षण गरे।
पुलिस अधीक्षकले बताए, रोजा थाना क्षेत्रस्थित दुर्गा एन्क्लेभ कलोनी निवासी सचिन ग्रोवर (36), उनकी पत्नी शिवांगी (34)-ले गए मंगलवार अवेर राति आफ्नो छारा फतेह (4)-लाई पहिला विषालु पदार्थ खुवाए अनि पछि आफूहरूले गलफन्दामा झुण्डिएर आत्महत्या गरे। आज बिहान परिवारका अन्य सदस्यहरूले घटनाबारे जानकारी पाएपछि पुलिसलाई सूचना दिए। घटनास्थलमा पुगेको फोरेन्सिक टीमले प्रमाण एकत्र गरिरहिको छ। थाना पुलिसले तीनै वटा शवलाई पोस्टमर्टम गर्न पठाइदिएको छ।
एसपीले बताए, पुलिसले सुसाइड नोट पनि फेला पारेको छ जसमा आर्थिक समस्याको कारणले यो कदम उठाएको कुरा उल्लेख गरिएको छ। घटनाको गहन जाँच गरिँदैछ।
हिन्दुस्थान समाचार / उष्णता छेत्री शर्मा