नयाँ दिल्ली, 27 अगस्त (हि.स.)। दिल्ली पुलिसको क्राइम ब्राञ्चले एउटा यस्तो भिजा फ्रड ऱ्याकेटको भण्डाफोर गरेको छ जसले नेपाली नागरिकहरूलााई नोकरी दिलाउने नाममा ठूलो रकम हड़प्दै आएको थियो। यस मामिलामा पुलिसले ग्यांगका मुखिया जयकाब (41) र उसको साथी रूपेश (42)-लाई पक्राउ गरेको छ। आरोपीहरूको कब्जाबाट 13 जना नेपाली नागरिकहरूको पासपोर्ट र केही महत्वपूर्ण डिजीटल प्रमाण जफत गरेको छ। पुलिस जाँचमा अहिलेसम्म भएको खुलासा अनुसार ग्यांगले 19 जना नेपाली नागरिकहरूलाई सर्बियामा रोजगार दिलाउने प्रलोभन देखाएर लगभग 70 लाख रुपियाँ ठगिसकेको छ।

क्राइम ब्राञ्चका डीसीपी विक्रम सिंहले पुलिस मुख्यालयमा प्रेसवार्ता गरी बताए, मामिला त्यसबेला उजागार भयो जतिबेला नेपाल निवासी सुजन खड़का(22)-ले क्राइम ब्राञ्चमा लिखित सिकायत गरे। सिकायत दर्ता भएपछि क्राइम ब्राञ्चको टीमले छापा मारेर गत 25 अगस्तमा जयकाबलाई ग्रेटर नोएडाबाट पक्राउ गऱ्यो। उसको कब्जाबाट 13 नेपाली पासपोर्ट र एउटा मोबाइल फोन जफत गऱ्यो जसमा जाली भिजा र बातचितसित सम्बन्धित केही महत्वपूर्ण च्याट भेटियो। जाँचबुझमा उसले आफ्नो साथी सचिन, जर्ज उपनाम बिजोज र रूपेशको नाम बतायो। त्यसपछि पुलिसले अग्रिम कारबाही गर्दै रूपेशलाई छावला, दिल्लीबाट पक्राउ गऱ्यो जसको कब्जाबाट दुई वटा फोन र केही ब्यांकिंग ट्रान्जेक्शन प्रमाणको रूपमा भेटियो।

पुलिस अनुसार आरोपी जयकाब मूल रूपमा बिजनौर उप्र निवासी हो जसले पहिला ट्राभल एजेन्टको काम गर्दथ्यो। नेपाली भाषा जानेको कारण उसले नेपाली युवाहरूलाई सहजै आफ्नो जालमा फसाउँथ्यो। रूपेश मूल रूपमा बिहारको सिवान निवासी हो जसले पछिल्लो 15 वर्षदेखिको ट्राभल एजेन्टसित जोड़िएर काम गर्दै आइरहेको थियो। दुवैले मिलेर नेपाल तथा भारतका केही युवाहरूलाई विदेशमा नोकरी दिलाउने प्रलोभन देखाएर ठगी गर्दै आइरहेको थियो।

डीसीपी अनुसार पुलिस टीमले हाल अन्य आरोपीहरूलाई खोजिरहेको छ। थप पक्राउ हुने सम्भावना छ। दिल्ली पुलिसले मानिसहरूसित अपील गरेको छ, विदेशमा नोकरी दिलाउने दाबी गर्ने कुनै पनि एजेन्टसित पहिला पूर्ण रूपमा जाँचबुझ गर्नुहोला ताकि ठगीको शिकार हुनदेखि बच्न सकियोस्।

हिन्दुस्थान समाचार / उष्णता छेत्री शर्मा