नयाँ दिल्ली, 27 अगस्त (हि.स.)। दिल्ली पुलिसको क्राइम ब्राञ्चले कुख्यात हिमांशु भाऊ ग्यांकका एक जना सक्रिय सदस्यलाई पक्राउ गरेको छ। आरोपीको पहिचान हरियाणा निवासी सुमित (22)-को रूपमा भएको छ। पुलिसले उसको कब्जाबाट एउटा सेमी अटोमेटिक पेस्तोल र तीन वटा जिउँदो कारतूस जफत गरेको छ।

क्राइम ब्राञ्चका डीसीपी के हर्ष इन्दौराले बुधवार बताए, आरोपी सुमित मोहन गार्डन थानामा दर्ता हत्याको एक मामिलामा सूचीबद्ध अपराधी हो। यस हत्याको जिम्मा कुख्यात हिमांशु भाऊ ग्यांगले लिएको थियो। डीसीपी अनुसार गत 4 अगस्तमा मोहन गार्डन क्षेत्रमा अज्ञात आक्रमणकारीहरूले मोहित डागरमाथि गोली चलाएका थिए। गम्भीर रूपमा घाइते मोहितलाई अस्पतालमा लगियो जहाँ उसको मृत्यु भयो। घटनाको जाँच गर्ने क्रममा दुई जना आरोपीहरूलाई पक्राउ गरियो जसलाई जाँचबुझ गर्दा सुमितको नाम खुलासा भयो।

डीसीपीले बताए, गए 26 अगस्तमा क्राइम ब्राञ्चको टीमलाई गुप्त सूचना प्राप्त भयो कि सुमित नरेला-बवाना रोडमा कसैसित भेट गर्न आइरहेको र उसित अवैध हतियार पनि हुनसक्छ। त्यसपछि पुलिसले सम्पूर्ण क्षेत्रमा जाल ओछ्याएर सुमितलाई घटनास्थलबाट पक्राउ गऱ्यो। जाँच गर्दा उसको कब्जाबाट एउटा पेस्तोल र कारतूस जफत गऱ्यो।

हिन्दुस्थान समाचार / उष्णता छेत्री शर्मा